क’कराझार: ब्रिहस्पथिबाराव थामहिनबा मैया क’कराझार जिल्ला दालाय दुलाराय बर’ फरायसा आफादनि बान्जायनायाव दुलाराय बर’ फरायसा आफादा बर’ सामाज आरो बर’ मेडियामनि फरायसालिफोराव सोलायनाय लाबोनो थाखाय क’कराझारनिफ्राय दतमासिम गोलाव हान्जा सुरदों।
दुलाराय बर’ फरायसा आफादनि आफादगिरि बिथां प्रमद बर'आ बे हाबापारिआव बाहागो लानानै हान्जा सुरनाय हाबाफारिखौ बेखेवो। फरायसा आफादनि दैदेनगिरि बिथां बर’आ बुङोदि, फरायसा आफादा बर’ समाज आरो सोलोंथाय बिथिंखौ नोजोर होनानै मोनफ्रोमबो जिल्लाफोराव फारि फारि हान्जा सुरनाय हाबाफारिखौ जागायबाय। बिथांआ बुंबावोदि, फरायसा आफादा बर’फोरनि गेजेराव सोलायनाय लाबोनो थाखाय खामानि मावबोगासिनो लोगोसे बर’ मेडियामनि गेजेराव गुन गोनां सोलोंथाय लाबोनो खामानि मावबोगासिनो दं।
