बिधान सभायाव गोरोन्थि गैयै बाथ्रा सावरायनांगौ: गाहाय बुंथिगिरि

गुवाहाटी,सेप्तेम्बर 29: आसाम बिधान सभानि गाहाय बुंथिगिरि हितेन्द्र नात गौस्वामि बिथांआ सुक्रबाराव गावनि गोसोनि सान्नाय आरो दुखु मोन्नायखौ बिधान सभानि जथुमायाव फोरमायदों। बिथांनि बादिब्ला हादोरसानि गुबुन गुबुन MLA फोरनि सोंथिनि फिन्नाय होनायाव गुबुन गुबुन बिफान्नि मनट्रीफोरा नंगुबै बाथ्राखौ बुङाखै।

गौस्वामि, जाय बिथांआ सोलोंथाय गोनां आरो आयेन दागिरि, बिथांआ बिधान सभानि हाउसआव बुङोदि, जथुमाखौ बयबो मोनसे गोथार फसंथान होन्ना साननांगौ आरो साफ्रोमबो गोसोहोनांगौदि जेब्ला मनट्रीफोरा गुबुन गुबुन MLA फोरनि सोंनायनि फिन्नायखौ गोरोन्थि गैया जासे होयो।। बिथांआ बुंबावोदि माखासे MLA फोरा मन्ट्रीफोरनि सोंनायनि फिन्नायखौ गोजोन्नाय मोनाखै।

‘माखासे बाथ्राखौ लानानै MLA फोरा थार खोथाखौ लानानै सोंथि सोंदों आरो बे सोंथिआ थार, नाथाय मनट्रीफोरा सैथो पिन्नायखौ होआखै जायनि जाहोनाव गोजोन्नाय मोनाखै’ होन्ना बिथांआ बुंबावो।