सरासनस्रा आयेन
गुवाहाटी, मार्च 11: रावनिबो रायखान्थि हान्जा एबा दोलोनि बिजाथिआ राव, हारि आरो धोरोमखौ लानानै मुगैलायनाय आरो नासयलायनाय बाथ्रा बुंनो मोना, जाय बाथ्राफोरा थाखानाय गुबुन गुबुन हारि आरो धोरोमफोरनि गेजेराव गावस्रालायनाय आरो मुगैलायनाय सोमजिहोयो।
राजखान्थि दोलोनि सोंखारिलायनाया गुबुन राजखान्थिनि सिगांनि खामानि मावलांनाय हाबाफारि एबा बिथांखिफोरनि सायावल’ जानांगोन। राजखान्थि हान्जा आरो बिजाथिआ गावनि एबा सोरनिबा Personal Life एबा जिउनि सायाव बाथ्रा बुंनो मोन्नाय नङा। बाथ्राफोरा दोलोनि खामानि मावनायनि सायावल’ जानांगोन।
भट मोन्नो थाखाय हारि एबा जाथिखौ लानानै गुबुनखौ भट होनो खावलायनो मोन्नाय नङा। मंदिर, मज्जीद, चार्ज आरो गुबुन गुबुन धोरोम सिबिसालिफोराव बिसायखथिखौ नोजोर होनानै जथुमा लिंथुमनो हानाय नङा।
बिसायखथिनि आयोन बादियै मोनफ्रोमबो राजखान्थि दोलोआ भट मोन्नो थाखाय रां होनाय आरो लानाय हाबाफारिजों लोब्बा थानो मोन्नाय नङा, जाय खामानिआ रां जाख्लनायजों लोब्बा दं। जेरै रां होनानै भट लानो नाजानाय। रां होनाना गोदै गोदै बाथ्रा बुंनाय।
भट सोग्रा मिरुनि 100 मिटार जान्थायाव 48 धन्टानि गेजेराव सुबुंनि थुबुर जानो मोन्नाय नङा एबा जथुमा लिंनो हानाय नङा।
राजखान्थि दोलोनि सोद्रोमाफोरा भट सोगिरिफोरखौ बुरखायनो थाखाय रां होनानै भट सोग्रा मिरुसिम गारिजों दैथाय हरनाय आरो फैफिन्नाय खाबुफोरखौ होनो मोन्नाय नहा।
जेंना गैया जासे साफ्रोमनिबो गोजोनै भट होनायनि मोन्थायखौ मानिनो नांगोन। राजखान्थि दोलोनि आरो बिजाथिफोरा सान्नानै गाव गावनि बाथ्राफोरखौ बुंनांगोन। राजखान्थि दोलोनि सोद्रोमाफोरा गावसोरनि बान्थाफोरखौ लानानै जेरैखिजाया धर्ना होनो मोन्नाय नङा।
रावनिबो राजखान्थि हान्जा एबा बिजाथिफोरा मालायनि हा, बिलदिं, बेरा आरो गुबुन गुबुन फोरखौ बिथोन गैया लासे आफादनि फिरफिला बिरहोनाय, बेनार लगायनानै होनाय, फोसाव बिलाइ सिथाबनाय आरो स्लगान लिरनाय बादि बायदि खामानिफोराव बाहायनो मोन्नाय नङा।
गाव गावनि राजखान्थि दोलो आरो बिजाथिफोरा सांग्रां जानाया मोजांदि जाहाथे बिथांनि सोद्रोमाफोरा लामा सामा मेल-जथुमा आरो हान्जा सुरनानै सरासनस्रा सुबुंफोरनि गेजेराव जेंना लाबोआ। गुबुन दोलोनि जथुमाखौ जाहाथे गुबुन दोलोआ खुगाजों राव बुंनानै, लिरनानै आरो गावनि दोलोनि लिपलेट बिलाइ होनानै जेंना खालामा।
गुबुन दोलोनि धर्ना होनाय जायगायाव गुबुन मोनसे दोलोआ धर्ना हाबाफारि लानो मोन्नाय नङा, जाय जायगायाव गुबुन दोलोआ जथुमा खुंफुंदों।
बबेबा मोनसे दोलोनि पस्टार एबा सावगारि सिथाबनायखौ गुबुन मोनसे दोलोनि सोद्रोमाफोरा बोखारनो एबा बिसिनानै गारनो मोन्नाय नङा।
राजखान्थि दोलो एबा बिजाथिया बबेबा जायगायाव जथुमा खुंनो थांखि लादोंब्ला जथुमा खुंफुंनायनि सिगां ओनसोलाव थानाय पुलिस थानायव जथुमा खुंफुंनायनि सिगां जथुमानि सम आरो जायगाखौ मिथिहोहरनो नांगोन, जाहाथे पुलिस बिफान्निफ्राय नांगौबादि हेफाजाब होनानै आयेन आरो थासारिखौ गोजोनै लाखिनो हायो आरो सरासनस्रा सुबुंफोरनि थांलाय फैलाय खालामनायफोरखौ सामलायनो हायो।
राजखान्थि दोलो एबा बिसायखथिनि बिजाथिआ जथुमा खुंफुंनायनि सिगां मिथिनानै लानाया मोजांदि जाय जायगायाव जथुमा खुंफुंनो थांखि लादों, बै जायगाया होबथानानै दोन्नाय (Prohibited Area) जानो हागौ, अब्ला बिथांमोनहा बै आयेनखौ मानिनो नांगोन, जुदि गोनांथि जायोब्ला बिथोन बादियै मावफुनो हागोन आरो सम बादियै फोजोबनो नांगोन।
गोरा गोरा मेथाय दामनाय एबा दामग्रा देग्रा दामनायफोरा मोनानि 10 रिंगानिफ्राय फुंनि 6 रिंगासिम गोख्रोङै होबथानाय (Prohibited)। जुदि जथुमानि थाखाय दामग्रा-देग्राफोरखौ दामनो थाखाय बिथोन एबा लाइसेन्च दङोब्ला बाहायनो हागोन आरो सम बादियै बन्द’ खालामनो नांगोन।
सोलिफुबाय थानाय जथुमायाव बबेबा मोनसे दोलोनि सोद्रोमा एबा जायकिया सुबुंआ जथुमायाव जेंना सोमजिहोयोब्ला जथुमा सामलायगिरिआ पुलिस बिफान्निफ्राय हेफाजाब लानाया गोनांथाय आरो जथुमा सामलागिरिआ आयेनखौ आखायाव लानानै बिथांनि सायाव जेबो गोख्रों राहा लानो मोन्नाय नङा।
III. हान्जा सुरनाय
सोरनिबा राजखान्थि दोलो एबा बिजाथिआ हान्जा सुरनाय हाबाफारि लायोब्ला हान्जा सुरनायनि सिगां ओनसोलनि पुलिस थानायव हान्जा सुरनायनि जागायजेनाय जायगा आरो हान्जा सुरनायखौ फोजोबनायनि जायाफोरखौ मिथिहोनो नांगोन, जाहाथे नांगौबादि पुलिस बिफान्निफ्राय रैखाथि होनो हायो।
सोरनिबा राखान्थि दोलोनि मुसुखा सावनाय आरो बिसिनायफोरा आयेननि बेरेखा।
