गुवाहाटी: सोनाब बेंगलानि गिबि मनट्रीआ आसाम हादोरसा नि बेरेखा NRC खौ लानानै धरना होनायनि जाहोनाव आसाम हादोरसायाव थानाय ट्रीनामुल कंग्रेस (TMC) हान्जानि आफादगिरि दिपेन पातक आ ब्रिहस्पथिबाराव हान्जानिफ्राय रिजाइन होयो।
जेब्ला सोनाब बेंगलनि गिबि मनट्रीनि बिथोन बादियै सा 8 MLA आरो MP फोरा हादोरसायाव फैदोंमोन अब्ला फैनायनि सिगां बिथां दिपेन पातक आ आसोमाव फैथनो नांआ होन्ना बिथोन हरदोंमोन नाथाय खोथा मानियैलाय बिथांआ रिजाइन होनो गोनां जायो होन्ना खौरां मोनो। बिथांआ बुङोदि, TMC नि गोजौ थाखोनि मनट्रीफोरा आसामाव थानाय सुबुंफोरनि गेजेराव मुगैलायनाय फोलानानो नादों। आंहा फोथायनाय दंदि, आसामनिफ्राय रावबो बेंगलिफोरखौ गारहरा आरो सोनाब बेंगलाव आसामनि उल्टा रादाब फोसावगासिनो दं, आं बेफोरबादि दैदेनगिरिफोरजों खामानि मावनो हाया होन्ना खौरांगिरिफोरनि सिगांआव बुङो।
