गुवाहाटी,जुन 27: मांगलबाराव रासिया Rostov Stadium आव जानाय FIFA बुहुम कापनि हान्जा-D नि गेलेनाय मैच-40 आव क्रोएशियाआ आइसलैंडखौ 2-1 आव फेजेनो आरो FIFA आरो Round of 16 आव क्रोएशियाआ डेनमार्कजों गेलेनो खाबु मोनो।
खावसे सम जोबजासिम मोननैबो हान्जाया 0-0 आव सिगांलाङो।
53 मिनीटाव क्रोएशियानि Badelj आ आइसलैंडनि गलखि नेटआव जोसन्ना 1-0 आव सिगांलांनो हायो। 76 मिनीटाव आइसलैंडनि G Sigurdsson आ Panalty जोनो मोन्नानै 1-1 आव समान समान खालामफिन्नो हायो। सम जोबनाय लोगो लोगो 90 मिनीटाव क्रोएशियानि Perisic आ आइसलैंडनि गलखि नेटआव जोसन्नो मोनबावो आरो 2-1 आव देरहासारनो हायो।
