गुवाहाटी,जुलाइ 7: सुक्रबाराव रासियानि Kazan Stadium आव FIFA बुहुम कापनि Quarter-final आव बेलजियम आरो ब्राजिलनि गेजेराव गेलेनायाव बेलजियमा ब्राजिलखौ 2-1 आ फेजेनो।
13 मिनीटावनो बेलजियमनि Fernandinho आ गल सोनो हायो आरो 1-0 आव सिगांलांनो हायो। 31 मिनीटाव बेलजियामनि Kevin De Bruyne गल सोनो हाबावनानै 2-0 आव सिगांबावनो हायो आरो खावसे सम जोबजासिम 2-0 जानानै बेलजियमा सिगाङो। 47 मिनीटाव बेलजियमनि Toby Alderweireld आ गोमो कार्द मोनो। 71 मिनीटाव बेलजियमनि Thomas Meunier आ ब्राजलनि नेमारजों पाउल खालामनायनि गोमो कार्द मोनो जुदि मोनबावोब्ला बुहुम कापनिफ्राय ओंखार नांगोन। 76 मिनीटाव ब्राजिलनि Renato Augusto आ गल सोनो हायो आरो 1-2 खालामनो हायो। 85 मिनीटाव ब्राजिलनि Fernandinho आ गोमो कार्द मोनो। 90 मिनीटाव ब्राजिलनि Fagner आ गोमो कार्द मोनबावो। 5 मिनीट सम बारायना होदोंमोनब्लाबो ब्राजिला बेलजियमजों 2-1 आव जोन्नो गोना जायो आरो ब्राजिलनि 6 थि Championship लानो सान्नाय सिमांखौ बेलजियमा सिफायना होनो हायो।
