Guwahati : हादोरसानि बयजोंबो मिथिजानाय मेथाइ रोजाबगिरि जुबिन गार्गआ गोदान राजखान्थि दोलो दाफुंनायनि सदबांसा लाहैबाय। राज्योनि खुंथाइ गोहोयाव जिरायनाय भारतीय जनता पार्ति सुंद'यै बि जे पि आरो बेरेखा दोलो कंग्रेस नि हेंथायै गुबुन मोनसे आलादा (Alternative) महरै दाफुंनायनि थिरांथा लादों। दुलाराय राज्योनाङैनो नोगोरारि सोदांनाय बिलनि हेंथायै सोमावसारनाया गोख्रोंनिफ्राय गोख्रोंसिन महर लादों। बे समावनो दिनै अदेबानि बुधबार खालि नोगोरमानि सान्दमारियाव थानाय इन्जिनियारिं गेलेग्रा फोथाराव हारिमुवारि बिथिंनि सुबुंआ बान्जायनाय खुद्रिसारनाय हाबाफारियाव बाहागो लानानै बिबुंथि लाखियो।
बेरा फारसेथिं जाय मेथाइ रोजाबगिरि जुबिन गार्ग आरो दुलाराय आसाम फरायसा आफादनि गाहाइ नेहाथारि लुरिन ज्योति गगै खौ बिबान आजावनो थाखाय खावलायो राज्योनि सिगां सारिनि गागि रादाब बुथुमगिरि अजित फुकन बिथांआ। मख'जाथावदि हारिमुवारि बिथिंनि सुबुंआ सोरखारि हाबाफारियाव बाहागो लायैनि खौसेथि थिरांथा लानायाव हरखाबैनो नुजाथिफैयो मेथाइ रोजाबगिरि (Artists) सिमान्त सेखर बिथाङाबो।
