गुवाहाटी,जानुवारि 8: नोगोरारि सोदांनाय बिल 2016 खौ बेरेखा खालामनानै दुलाराय आसाम फरायसा आफादनि आसाम बन्द’ फोसावनायाव हादोरसानि थासारिफोरा गाज्रिनिफ्राय गाज्रि जालांनानै आयेन आब्रुथिफोरा गोबां जायगाफोराव बायनायलाय हादोरसानि गिबि मंत्री सर्बानन्द’ सनवाल बिथांआ गावनि थाग्रा खुलिआव हरखाब जथुमा लिंनो गोनां जायो।
खौरां मोन्नाय बादिब्ला आसामनि साफ्रोमबो बिजेपि दोलोनि गाहाय गाहाय दैदेनगिरि आरो बुंथिगिरि बिथांमोनखौ जथुमायाव हांख्रायहरदों।
दोलोनि गाहाय आफादगिरि रन्जित दास, हिमान्त बिस्व सर्मा, नब’ दले, भाबेस कलिता, बिथांमोनखोबो हरखाब जथुमायाव नुजाथिनो कावलायहरदों होन्ना मिथिनो मोनो।
मखनो गोनांदि, गोबाव समनिफ्रायनो आसामनि सुबुंफोरा नोगोरारि सोदांनाय बिल 2016 खौ बेरेखा खालामनानै धर्ना होबोबाय थानायखौ हादोरसा सरकार आरो बिजेपि दोलोआ खोनानै मोनाखैमोन। जेब्ला दिनै हादोरसानि थासारि आरो आयेन आब्रुथिफोरा गाज्रिनिफ्राय गाज्रि जालाङो अब्लासो बिथांमोनहा हरखाबै जथुमो।
आसामनि मोनफ्रोमबो जिल्लानि दाब दाब जायगाफोराव दुंहाव थासारि।
