गुवाहाटी,जानुवारि 25: 70थि सुबुं राज्यो उदांस्रि सान पालिनाय हाबाफारिआव आसाम पुलिसनि सा 15 सोद्रोमाफोरा पुलिस बिफान्नि बोसोनखौ मोजाङै फालिनायनि थाखाय हादोर खुंगिरिनि मेडेलखौ मोन्नो हायो।
डिपुटी इन्सपेक्टर जेनॅरॅल ऑप पुलिस (SR), SLC, IPS देबराज उपादया बिथांआ गावनि जिउखौ पुलिसनि सोद्रोमा जानानै बावसोमनायनि थाखाय मुंदांखा हादोर खुंगिरि एबा प्रेसिडेन्टनि मेडेलखौ मोन्नो हायो। दासान्दि बिथांआ गुवाहाटीनि जयेन खमिसनार ऑप पुलि, पुलिस खमिसनारेटनि बिबानखौ रुजुन्नानै कामानि मावगासिनो दं।
फारसेथिं सा 14 आसाम पुलिसनि सोद्रोमाफोरा गावनि खामानिफोरखौ मोजाङै मावफुंबोनायनि थाखाय हादोर खुंगिरिनि मेडेलखौ मोन्नो हायो। बिथांमखौ गाहायाव होनाय जाबाय।
