Guwahati : आसामनि गुबुन गुबुन जिल्लायाव हादोरसायारि बि जे पि आफादनि हांख्राइ हरनायाव कंग्रेस दोलो (Indian National Congress) आ 'सोर' बिमुं रायदावनायनि थाखाय मैया गुवाहाटीयाव गोख्रों सोमावसारनाय दिन्थिफुंङो।
मख'जाथावदि हादोरनि गाहाइ बेरेखा राजखान्थि दोलोनि बारग' आफादगिरि राहुल गान्धी बिथाङा हादोरनि गाहाइ मन्थ्रि (Prime Minister) नरेन्द्र मडि दैदेननाय सोरखारनि हेंथायै राफेल उरां दिङा बायनायनि जाउनाव सोमजिनाय गुवार बेले बेजे रां जाख्ल'नायनि अ'जद दैखांनाय जाथायाव दा बावैसो सिगां हादोरनि जौसिन बिजिरसालिनि गाहाइ बिजिरगिरि (Chief Justice of India) रन्जन गगै नि बिसारपीठ आ मोनबो रोखोमनि गुबुंले एबा केलेंखारि मोन्नाय जायाखैसै होन्ना फोरमायो।
बे जाथायनि असिला गुवाहाटी जिल्ला भारतीय जनता पार्ति सुंद'यै बि जे पि नि आफादगिरि (President) बिशित्र नारायन कलिता आरो गुवाहाटी ल'क सभा संसदारि बियाबनि बि जे पि नि (BJP Parliamentarian , Guwahati HPC) सांसद कुइन उजा बिथाङा बि जे पि मावथि सोद्रोमाफोरनि दारै सोमावसारनाय हान्जा सुरनाय हाबाफारिखौ दैदेनलांङो।
मख'जाथावदि हादोरसानि गं 39 जिला बि जे पि आफादा गोख्रों खुद्रिसार हाबाफारि लायो। गुबुन गुबुन जिलानि दैदेनगिरि मोना दाबि दैखांनाय अ'जदनि बादिब्ला भारतारि जातीय कंग्रेस दोलो आरो बारग' आफादगिरि राहुल गान्धी बिथाङा राफेल दिल जाथायाव राज्यो-राजाखौ नंखाय बांसावनायनि थाखाय निमाहा बिहरनायनि दाबि दैखांदों।
बेजों लोगोसे बि जे पि नि दैदेनगिरि मददगिरि मोना हादोरनि गाहाइ मन्थ्रि (Prime Minister) नरेन्द्र मडि खौ गुबुन गुबुन बिसायख'थि सुबुं थुबुरमायाव "सोर" होन्ना रायदावनायनि थाखाय निन्दा खालामो। मुलुगनि थाखोनि सासे गोख्रों गाहाइ मन्थ्रि बिबादि नेहाद रावजों सोंखारिनाया थारैनौ दुखुनांथाव होन्ना बुंथियो।
लोगोसे गुवाहाटी संसदारि बियाबनि एम पि कुइन उजा बिथाङा बुङो दि जौसिन बिजिरसालि (Supreme Court) या फोसावनाय भार्दिकनिफ्राय हमदांनो हायो दि भारतीय जातीय कंग्रेस नि गागि दैदेनगिरि राहुल गान्धीआ सासे फोलागिरि ( Liar) होन्ना सोंखारियो।