Kokrajhar: बड'लेन्ड जनजाति सुरकसा मान्चा (BJSM) या बर राव, थुनलाइखौ मानजों बेनि बेसेन्थिखौ लानानै जौगाहोनो आरो जेरावबो गुवारै फेहेरनायनि थाखाय थांखि लादों, जायनि थाखाय गावनि बिमानि रावखौ अननो मोजां मोननो आरो थुनलाइखौ बयखौबो अनसायनांगौनि थाखाय खावलायदों। बड'लेन्ड जनजाति सुराकसा मान्चा (BJSM) या साफ्रोम बिगोमा आरो लाइमोनफोरखौ बर' रावखौ जेरैबो जौगाहोनांगौनि थाखाय थुलुंगा होदों आरो गाव गावनो बर' राव जौगानायनि थाखाय गोसो फोरानांगौनि थाखाय फोरमायदों।
बड'लेन्ड जनजाति सुराकसा मान्चा (BJSM) नि आफादगिरि बिथां जानाखलाल बसुमतारिआ थांनाय 16 नबेम्बर अक्ट' खालारा जायनि थाखाय बर' हारिनि थाखाय मोनसे गोजा लाइजाम मानोना बर' थुनलाइ आफादआ बै समनि कक्राझारनिफ्राय बोखावजायि समनि कक्राझार बासुगाव गामिआव 1952 माइथायाव गायसनजादोंमोन। बै समा अदेबानि बर' थुनलाइ आफाद (BSS) 1952 माइथायनि 16 नबेम्बराव गायसनजानाय समाव बर' राव आरो बर थुनलाइफोरा लिरनाय महर मोनि थासारिआवनो दंमोन। बैफोर समफोरनिफ्रानो बर' राव आरो थुनलाइफोरखौ थाखोनि उनाव थाखो जौगानायनि खामानि मावबोनाय जादों, होनना बिथांआ फोरमायो।
बसुमतारि बिथांआ बुंबावो बर' थुनलाइ आफाद (BSS) नि थादनाय गैयै खामानि मावनाय, सतिस चन्द्र बासुमतारि, जगेन बसुमतारि, बिहुराम बर', आरो बिनेस्वर ब्रह्म बिथांमोननि दैदेननायाव बर' राव थुनलाइनि मोनसे गोदान महर एबा गोदान मुगा खौ जाखांहोयो। 1963 माइथायाव बर' रावआ गुदि फरायसालिआव थिसनजाग्रोयो आरो 1968 माइथायाव गोजौसिन गेजेर फराइसालिफोराव मोनसे बर' बिजों महरै थिसनजायो जायनि थाखाय बर' सुबुंफोरनि खौसेयै सोमावसारनायनि थाखाय।
" जाय बर' रावआ भारतनि बियाबआव 2003 माइथायाव 8 थि चिदुल्दआव थिसनजानानै दिनै मोनसे गोदान भारतारि राव महरै सिनायथिनि मान मोननो हादों एबा बाहागो मोनदों आरो इउ.पि.एस.चि (UPSC) आ खुंनाय चिभिल चार्बिसफोना (Civil Service) आनजादफोराव सायखथि आयदा महरै जायगा मोननो हाबाय। बेखायनो दिनै बर' रावआ मोनसे आबुङै जौगानाय मान थाखो मोननाय राव बादि भारत हादोरआव बाहायजादों। 16 नबेम्बरआ बेखायनो लिरजानाय बर' राव थुनलाइ महरनि मोनसे जोनोम सान" होनना बिथांआ फोरमायो। बिथांआ बेखौबो फोरमायो जायनि थाखाय बर' रावखौ सानफ्रोमबो जाखांहोगोन आरो गावनि गुनजों बर' राव , थुनलाइ सोरजिनायफोराव गोबां नाजागोन आरो जौगाहोगोन, मानोना बर' सुबुंफोरा बर' राव आरो बर' थुनलाइफोरखौ गोरबोजों अनो आरो मोजां मोनो होनना।
Also Read: बर’ कसारि गावखुंथाइ गौथुम सोरजिनायनि दाबिजों सोरखारनि हेंथायै धेमाजियाव गोख्रों सोमावसारदों