BOKO : आसाम प्रदेश कंग्रेस कमिटि सुंद'यै ए पि सि सि नि बान्जायनायाव सदियानिफ्राय धुबुरिसिम जागायजेन्नायनि हाबाफारि सोलिगासिनो दं। मैया अदेबानि रबिबार खालि खोला कामरुप जिलानि सिङाव थानाय सयगाव बिधान सभा बियाबाव सोहैयो। आसामनि गाहाइ बेरेखा राजखान्थि हान्जा (Main Opposition Party) कंग्रेस दोलोनि गागि दैदेनगिरि मोननि नुजाथिनायाव नोगोरारि सोदांफिन्नाय आइन (Citizenship Amendment Act 2019) नि हेंथायै गोख्रों हान्जा सुरनाय हाबाफारि दिन्थिफुङो।
मख'जाथावदि आसाम प्रदेश कंग्रेस कमिटि (Assam Pradesh Congress Committee) नि बान्जायनायाव हाबाफारियाव आसाम कंग्रेसनि कमिटिनि आफादगिरि (APCC President) आरो राज्य सभानि सांसद (MP) रिपुन बरा, बेरेखा दोलोनि दैदेनगिरि (Opposition Leader) देबब्रत सइकीया, बारग' पि डब्लिउ डि मन्थ्रि (Former PWD Minister) अदेबानि गलाधाट बिधान सभा बियाबनि एम एल ए (Golaghat LACs Legislator) अजन्ता नेउग आरो रुपहीहाटनि एम एल ए (Legislator) नुरुल हुदा, सयगाव बिधान सभा बियाबनि एम एल ए रेकिबुद्दीन आहमेद जों गोबां दैदेनगिरि मावथिफोरा बाहागो लाफैयो। सयगाव बिधान सभा बियाबनि राजिब भबनाव आगान होनानै दा बावैसो सिगां नोगोरारि सोदांफिन्नाय आइनखौ बेरेखा खालामनानै मुंख्लं जालांनाय दिपान्जल दासनि मुसुखायाव गोसोखांनानै आलारि बाथि फोजोंना मोनसे सुबुं गौमायाव बाहागो लायो।
आसामनि कंग्रेस कमिटिनि आफादगिरि रिपुन बरा बिथाङा बुङो दि बि जे पि सोरखारनि हेंथायै थांनाय 22 डिसेम्बर निफ्राय 2020 माइथायनि मार्स दानाव फोजोबसिगोन होन्ना फोरमायो। 3 कौटि सुबुं अन्जिमा थानाय आसामाव बि जे पि दैदेननाय मिरु सोरखारा जाबसिन्नो नागिरदों होन्ना बुंथियो। कंग्रेस दोलोआ माब्लाबाबो मानिनानै लानो हाया होन्ना बुंथियो। उनाव कंग्रेस दोलोनि दैदेनगिरि मावथिफोरनि हान्जा सुरनाय हाबाफारिखौ दैदेनलांङो।
गुबुन फारसेथिं जाय आसामनि गागि कंग्रेस दैदेनगिरि( Veteran Congress Leader) आरो बारग' गिबि मन्थ्रि (Former Chief Minister) तरुन गगै बिथाङा गावनि बिबुंथियाव बुंथियो दि गिबि मन्थ्रि सर्बानन्द सन'वाल आरो देहा सावस्रि बिफाननि मन्थ्रि ड° हिमन्त बिश्व शर्माया गावखौनो-गाव राजा बादि बादि सानो जायहा जा गोसो जायो बेखौनो मावलांबाय थादों। नाथाय नोंथांमोना बावगारनो नाङा दि आसामनि राज्यो-राजायासो खुंथाइ गोहोयाव जिरायनाय खाबुखौ होदोंमोन आरो दासान्दि सुबुंनि मिजिंथि गांनाय उखैनायखौ फोजोबस्रांनाय लामायाव नुजादों होन्ना फोरमायो।
बेराफारसे थिं जाय आसाम प्रदेश कंग्रेस कमिटि नि बान्जायनायाव हान्जा सुरनाय हाबाफारिया उनाव बक'आव सोहैयो। बक'नि नबदय गोजौ फरायसालिनि फ्राय जागायजेन्नानै 37 नं राजा लामा जानानै बक' गोजौ फरायसालियाव थुंगियो। बक' बिधान सभा बियाबनि एम एल ए नन्दिता दास बिथांनि दैदेननायाव उनाव बक'नि जायगायारि कंग्रेस दोलोनि मावथिफोरनि नुजाथिनायाव मोनसे मेल खुंफुंनाय जायो।
Also Watch: South Salmara Police launched operation against Cattle Smugglers, One killed in Encounter