Top
undefined
Begin typing your search above and press return to search.

गुवाहाटीयाव सि ए ए नि हेंथायै मेथाइ रोजाबगिरि समाजनि गोलाव हान्जा सुरनाय हाबाफारि

गुवाहाटीयाव सि ए ए नि हेंथायै मेथाइ रोजाबगिरि समाजनि गोलाव हान्जा सुरनाय हाबाफारि

Sentinel Digital DeskBy : Sentinel Digital Desk

  |  6 Jan 2020 6:36 AM GMT

Guwahati : आसामनि राजथावनि नोगोरमा गुवाहाटीयाव 2020 माइथायनि गाजा गोमजायै सोलिगासिनो दं टि 20 खेला बै समावनो रबिबार खालि रोजा रोजा राज्यो-राजाया राजा लामायाव ओंखारफैबाय। गुवाहाटी नोगोरमानि जालुकबारियाव थानाय भारतरत्न मुंदांखा मेथाय रोजाबगिरि ड° भुपेन हाजरिकानि मांखरसालिनिफ्राय दिधली पुखुरिनिसिम मेथाय रोजाबगिरि समाजनि बान्जायनायाव (Artists Community) मोनसे गोलाव हान्जा सुरनाय हाबाफारि दिन्थिफुंनाय जायो। बै हान्जाखौ दुलाराय आसाम फरायसा आफाद (All Assam Students Union) , असम जातीयताबादि युब सात्र परिषद (Axom Jatiyatabadi Yuba Chatra Parishad) आरो दुलाराय आसाम सन'वाल कछारि फरायसा आफाद (All Assam Sonowal Kachari Students Union) आरो गुबुन गुबुन आइन बेरेखा सोमावसारगिरिफोरा (Protester's) लैहोर लैहोर बाहागो लाफैयो।

गेदेमा भुपेन हाजरिकानि मांखरसालियाव मुंख्लं जालांनाय सुबुंफोरखौ गोसोखांनानै आलारि बाथि फोजोंनानै हान्जा सुरनाय जागायजेन्नाय जायो। मख'जाथावदि मुंदांखा बयजोंबो मिथिजानाय मेथाइ रोजाबगिरि (Artist)जुबिन गार्गआ नोगोरारि सोदांफिन्नाय आइननि हेंथायै गसंथेनो खावलायो। लोगोसे बुङो दि बारा गोनांथार जा जासिगोन जायोब्ला गोदान राजखान्थि दोलो दाफुंनायनि गेजेरजों बि जे पि नि हेंथायै जुजिगोन। जों जोंनि नोगोरारि सोदांफिन्नाय आइन बेरेखा सोमावसारनायखौ नागारनाय गैयि जासे आवगायलांनाय जासिगोन जेब्ला हालागै सि ए ए खौ बोख्लायहरा।

गुबुन फारसेथिं जाय दुलाराय आसाम फरायसा आफादनि गाहाइ बोसोनगिरि( All Assam Students Union, Adviser in Chief ) समुज्जल भट्टाचार्य बिथांआ बुङो नोगोरारि सोदांफिन्नाय आइननि हेंथायै फैगो 9 जानुवारी अक्ट'याव राज्यो-राजाया ओंखारफैगोन। लोगोसे दाजाबदेरनानै बुंबावो दि फरायसाफोरा दिनै राजा लामायाव ओंखारफैदों लोगोसे समान समानै गावनि फरायनायखौबो आवगायलांबाय थागोन होनना होन्ना बुंथियो। लोगोसे गुवाहाटी नोगोरमायाव सोलिबाय थानाय खेलो इण्डिया हाबाफारियाव लाफैयोब्ला हेंथा हाबाफारि दिन्थिनाय जों बरायगोन होन्ना फोरमायो।

दुलाराय आसाम फरायसा आफादनि गाहाइ नेहाथारि (All Assam Students Union General Secretary) लुरिन ज्योति गगै बिथाङा गावनि बिबुंथियाव बुङो गासैबो थाखोनि राज्यो-राजाया दिनै उदांयै लैहोर लैहोर बाहागो लाफैदों। सोरखारा जेसेबांखि राज्यो-राजाखौ गोजोन होनो थाखाय जौगाखां बिथांखि मावाथों मानो राज्यो-राजाया दिनै बुजिदों, खुंथाइ गोहोआ सि ए ए बेरेखा सोमावसारनायनि होबथानो हाया होन्ना फोरमायो। दासान्दि सोरखारनि दबथायनाय , नासयनाय सोलोखौ नेवसिनानै दिनै राज्यो-राजाया फोरमान खालामना होबाय आसामनि सुबुंआ जुजि जुजि थैलांसिगोन थेवबो नोगोरारि सोदांफिन्नाय आइन (Citizenship Amendment Act) खौ मानिनानै लाया। गुबुन फारसेथिं मेथाय़ रोजाबगिरि मानस र'बिन बुङो सोरखारा जोंखौ राजा लामायाव ओंखारफैनो बाध्य खालामदों होन्ना बुंथियो।

Also Read : राज्योनि सोरबिथिं नोगोरारि सोदांफिन्नाय आइन बेरेखा हाबाफारि सोलिगासिनो दं

Also Watch: Namghar Samannay Mancha staged protest against CAA 2019 in Golaghat

Next Story