गुवाहाटिः सा सान्जायारि फरायसा गौथुम आफाद (NESO) नि मावफुं हाबाफारि सावरायमेलाव दिनै बेखौनौ सावरायनानै दाबि दैखांओ दि हादोरसायाव एन .आर.चि (NRC) नि खामानि सोलिबाय थानाय बादि सा सान्जायारि हादोरसाफोरावबो जानांगौ, लोगोसेनो जा नोगोरारि सोदांनाय जायखौ गसुङै केब (CAB) बुंनाय जायो बेनि खामानिनि सायाव हेंथा होनाया जानांगौ होनना दाबि दैखंनायजों लोगोसे सावरायज्लानाय जायो होनना मोन्थिनाय जादों। बेफोरजों लोगोसे आइ.एल.पि (ILP, Inner Line Permit) खौबो मोनफ्रोम सा सान्जायारि हादोरसायाव दिखांना लानांगौनिबो दाबि दैखांनाय जायो। बे सावरायज्लायनायावनो बेखौबो सा सान्जायारि फरायसा गौथुम आफाद (NESO) दाबि दैखांङो दि जायगायारि थाथि सुबुंफोरनो सोरखारनि साखोरि मावथायफोराव साख्रिफोर होनायनि थाखाय आलादा जायगा लाखिनाय खामानिखौ मावफुंनांगौ होनना।
सा सान्जायारि फरायसा आमब्रेला गौथुम आफादा बेखौबो हेंथायै सोमावसारनाय बादियै जाय एन.आर.एल (NRL) गावारि मिरु महरै सालायदों आरो एन.इ.इ.पि.चि.(NEEPC) खौ बाहायनो हायाखै बेफोर जेंनाफोरखौ समान खालामनांगौनि दाबि दैखांनायखौ मौन्थिनो मोननाय जादों। बेखौबो हेंथा होनो सानो दि "गंसे हादोर मोनसे राव" जा सोलोंथायारि रेबजननि बिमा सक्ति बादि।
सुबु बिजों लोगो सावराज्लाय फोजोबजाखांनायनि उनाव सा सान्जायारि फरायसा गौथुम आफादनि (NESO) बोसोनगिरि बिथां सामउत्जल भात्ता चार्य आ बुंङो " जायनि थाखाय जों एन .आर.चि नि खामानिआ सा सान्जायारि ओनसोलनि हादोरसाफोराव जाजोबनांगौ। बबेखानि बे मोनसे गोदानै खान्थियारि सुबंनि थाखाय हादोरसानि थामोन्थाखौ मोननो हानाय खामनिः जायनि थाखाय होदोरसा नङैफोरखौ थख खालामनायनि मोनसे खान्थि" होनना बुङो।
थाबैनो आसामाव एन .आर.चि नि फिन फोरमायथिआ बहनजायखौ लानानै सा सान्जायारि फरायसा गौथुम आफादनि (NESO) बोसोनगिरि बिथांआ बुङो दि जायनि थाखाय आसामाव एन .आर.चि नि फाथिनायनि अनगायैफबो बिनि नंगुबै फोरमानथिफोरखौ होनायखौ फेलें खालामनायनि थाखाय दुलाराय आसाम फरायसा आफादआ (AASU) गोजोन नंआ, दुलाराय आसाम फरायसा आफादआ (AASU) बेखायनो नबेम्बर दाननि 26 खालाराव फोरसावजाबावनो गोनांखौ लानानै गोजौसिन बिजिरसालिसिम थांनाय जादों होनना फोरमादों।
नोगोरारि सोदांनाय बिलनि (CAB) सायाव सोनारनानैसान्जायारि फरायसा गौथुम आफादनि (NESO) बोसोनगिरिया बेखौनो बुङोदि बै समफोरनिफ्रायनो नोगोरारि सोदांनाय बिल नि हेंथायै सोमावसारबोगासिनो दं, सा सान्जायारि ओनसोलाव बे होबथा खामानिखौ सोलिहोबायथागोन, 18 नबेम्बराव बेखौ लानानैनो सा सान्जायारि फरायसा गौथुम आफादनि दालाय आफादफोरा नोगोरारि सोदांनाय बिल नि हेंथायै (CAB) होबथानाय दाबि दैखांनो सा सान्जायारि हादोरसा राजथावनि हादोरसा बेंगिरिनि न सेराव जुथुमनानै फोरसावनो आखाव लादों।
सा सान्जायारि सुबुंफोरनि रैखाथिनि थाखाय एबा थांना थानायनि राहाफोरनि थाखाय गोनां रांखान्थियारि बिथिंफोरनि सायाव सा सान्जायारि फरायसा गौथुम आफादनि गेजेरजों सोरखारनिसिम दाबि दैखांदों। सा सान्जायारि फरायसा गौथुम आफादनि (NESO) मासिगिरि बिथां सामुयेल जाइरुवा जायनि थाखाय मिरु सोरखारा सा सान्जायारि ओनसोलफोरनि थाखाय जौगानाय बिथिंआव एसेल नोजोर होदों, बेखायनो आबुङै जौगाखांहोनांगौनि थाखाय सोमावसारनांगौ दं, बेफोर खामानिआव सा सान्जायारि फरायसा गौथुम आफादा मैखोम बाहागो लागोन, गाहायै सोरखरनि साखोरि माव मोननो हायै लाइमोनफोरनि जेंनाखौ लोगोसे लाफाना सोमावसारनाय जागोन" होनना फोरमायो।
बिथांआ बेखौबो बुंजाबफायो जे" गोख्रोंयै जों जायगायारि थाथि सुबुंफोररनि सोरखोरि साखोरिआव आलादा माव जायगा दखलनि थाखाय सोरखारनिसिम दाबिगोन" मिरु सोरखारनि 'गंसे हादोरसा मोनसे राव' बिमा सक्ति खौ सा सान्जायारि हादोरसाफोरजों लोगोसे हालामारि ओनसोलफोराव गनायना लानो हानाय नंआ होनना जाइरुवआ बुङो। मानिजाथाव सोलोंथाय रेबजननि बिमा सक्ति खौ लानानैबो बेखौ फोरमायो दि " बे बिथांखिआ सा सान्जायारि हारिनि फरायसाफोरनि थाखाय साबजाथाव जानाय नंआ" होनना बिथांआ फोरमायबावो। बृहेसप्तिबार खालाराव जानाय सा सान्जायारि फरायसा गौथुम आफादनि सावराय मेलनि गेजेरजों बेफोरनि सायाव सावरायज्लायनो थाखाय फैबाय थानाय 2020 माइथायाव सा सान्जायारि फरायसा गौथुम आफादनि साधारन जुथुमाखौ त्रिपुरा हादोरसायाव खुंनायनि थि खालमनाय जायो।