Guwahati : आसामनि गाहाइ ओनसोलारि बेरेखा राजखान्थि हान्जा असम गण परिषद दोलो (Asom Gana Parishad) आ फिन भारतनि गाहाइ मन्थ्रि नरेन्द्र मडि दैदेननाय सोरखारखौ आसाम हादोरसायाव आंगो राव एबा बिमा राव अस'मियाखौ अराय दिननि थाखाय मावख'वारि राव (Official Language) महरै मावफुंनो गोख्रों दाबि दैखांदों।
मख'जाथावदि बै राजखान्थि दोलोनि गोजौ थाखोनि दैदेनगिरि मोना गावनि दाबिनाय बिलायाव मिरु न'खर बिफाननि मन्थ्रि (Union Home Minister) अमित चाह बिथांखौ फोरमाय हरनानै सनिबार खालि बुंथिदोंदि संसदाव गोजां बोथोरनि जथुम्मायाव आगोलनि महरखौ बोखारनानै गोदान महर (New Version) नि नोगोरारि सोदांनाय बिल (Citizenship Amendment Bill) नि नोजोर लाखिनानै गुवारै सावरायज्लायनाय जादों।
आसामनि गिबि मन्थ्रि सर्बानन्द सन'वाल बिथांआ दैदेननाय हादोरसा सोरखारनि मन्थ्रि केबिनेटनि गुबुन सासे सोद्रोमा आरो असम गण परिषद दोलोनि आफादगिरि अतुल बरा बिथांनि दैदेननायाव मोनसे गोजौ थाखोनि थान्दै हान्जाया हादोरसानि सोरबिथिंआव सानफा एफा दिननिफ्रिय सोलिबाय थानाय दुंहाव थासारिनि बागै सावराय लायनाय जायो। लोगोसे खौरांगिरि (Reporter's) जों जानाय मुगा मुगि बुब्लियाव मन्थ्रि (Minister) आरो दोलोनि दैदेनगिरि (Party President) बुङो दि अस'मिया रावखौ आसामनि मावख'वारि राव (State Official Language) महरै गायसंलांनायाव नारसिनो होन्ना फोरमायो। बेफोरनि अनगायैबो बै गंसे सावराय जथुमावनो मिरु सोरखारा आसाम गोरोबथानि दफा नं 6 नि बिथायाव दाजानाय गोजौ थाखोनि बिबानगोरा थानाय दैदेनगिरि मोना दैखांनाय गासैबो रोखोमनि दाबि, आंखाल एबा थागिबि सुबुं माहारिनि संबिजिदारि रैखाथि आरो मोनथाइ थामोनथाखौ लाखिनायाव जा सुबुरुन दिथा होलांगोन जोंनि दोलोआ मानिनानै लागोन बुंथिहरो।
लोगोसे बेवहायनो आसाम बिधान सभा बियाब (State Legislative Assembly Constituency) नि गं 126 मासि फोरनि गेजेराव गं 100 मासि (Seats) आरो हादोरसानि गं 14 ल'क सभा बियाब (House of Parliamentary Constituency Seats) नि गासै मासियावनो जाहाथे थागिबि सुबुंआ बिसायख'थि गसंथेनो एबा बाहागो लानो हायो बेनि राजखान्थियारि मोनथाय (Political Rights and Existence) नि रैखाथिनि सायावबो सावरायनाय जायो।
मख'जाथावदि असम गण परिषद दोलोनि गाहाइ नेहाथारि (Party General Secretary) कमला कलिता बिथाङा मिरु न'खर बिफाननि मन्थ्रि अमित चाह बिथांखौ रोखायै जोंनि दोलोआ माब्लाबाबो आगोलनि केब महरखौ आजावना लानो हाया होन्ना खौरां गिरिनि सिगाङाव फोरमायो। गुबुन फारसेथिं जाय दोलोनि गागि दैदेनगिरि आरो बारग' गिबि मन्थ्रि प्रफुल्ल कुमार महन्तआ गावनि नोगोरारि सोदांनाय बिल (Citizenship Amendment Bill) नि बेरेखा थिरांथायावनो दलद दं। लोगोसे केब (CAB) नि सायाव 3 डिसेम्बराव दुलाराय आसाम फरायसा आफाद आरो असम जातीयताबादि युव सात्र परिषद नि थान्दै हान्जाजों न'खर बिफाननि मन्थ्रि अमित चाह जों गोदान दिल्लियाव मोनसे सावराय जथुमाव जिरायगोन होन्ना मिथिनो मोननाय जादों।
Also Watch: National Pension Scheme launched at the office of National Chamber of Commerce in Tinsukia