Begin typing your search above and press return to search.

मुंख्लं इश्वर नायकनि नख'राव 20 लाख रां अन्सुंथाइनि दाबि दैखादों आदिबासि फरायसा आफादा

मुंख्लं इश्वर नायकनि नखराव 20 लाख रां अन्सुंथाइनि दाबि दैखादों आदिबासि फरायसा आफादा

Sentinel Digital DeskBy : Sentinel Digital Desk

  |  16 Dec 2019 10:21 AM GMT

TANGLA: नोगोरारि सोदांनाय आइनखौ लानानै राज्योनि सोरबिथिं जाउरिखांदों। जेराव राव दोहोरोम सायख'वालासे गासैबो थाखोनि राज्यो-राजाया बेले बेजे गोनां बिलखौ हेंथा खालामनानै राजा लामायाव होबथानानै गोख्रों खुद्रिसारनाय हाबाफारियाव (Massive Protest Movement) बाहागो लाफैदोंमोन। थिग बिदिनो गुवाहाटी नोगोरमायावबो नोगोरारि सोदांनाय आइन (Citizenship Amendment Act) खौ बेरेखा खालामनानै राजा लामायाव ओंखारफैनाय गुबुन गुबुन सुबुंनि बादि उदालगुरिनि थागिरि इश्वर नायक आबो बाहागो लाफैदोंमोन। नाथाय खास्रि बिस्रियै रैखाथि हान्जा (Security Forces) नि आखायाव गुलि गावथार जानानै मुंख्लं (Martyrs) जालांनो गोनां जायो। मख'जाथावदि मुंख्लं जालांनाय 22 बोसोर बैसोनि भारत भुटान सिमना नांजाबनाय उदालगुरि जिलानि माजुलि साहा बागाननि (Tea Estate) थागिरिमोन।

मोनथिनो मोननाय मोनसे खौरांनि बादिब्ला दुखुथिया मुंख्लं इश्वर नायकआ गुवाहाटी नोगोरमानि मोनसे गावारि खोन्दोनि हतेल मेनेजमेन्ट आयदायाव फरायगासिनो दंमोन। नोगोरारि सोदांनाय आइननि हेंथायै गोख्रों बेरेखा खालामनाय हाबाफारियाव गुबुन गुबुन सोमावसारगिरिफोरनि बादि इश्वर नायक आबो बाहागो लाफैदोंमोन। नाथाय पुलिस रैखाथि हान्जानि गोथां गुलियाव गावजानानै अबथिरा जिउ गोमालांनो गोनां जायो।

दुलाराय आसाम आदिबासी फरायसा गौथुम (All Assam Adivasi Students Association) नि आफादगिरि (President) प्रदिप नाग बिथाङा बुङो दि इयुन आथाल (Youth Generation) नि लाइमोन थान्दैनि जिउ गोमालांनायाव दिनै थोंजोंङैनो राज्यो सोरखारा दायनिगिरि। आरोबाव लोगोसे दाजाबदेरनानै दैदेनगिरि बिथांआ बुंबावो दि सोरखारा जुदि अस'मिया सुबुं माहारि (Assamese Society) नि दारै बान्जायनाय सुबुंदारारि खान्थिजों अहिंसा सोमावसारनाय (Non Violence Democratic Movement) खौ गोनांथि होयोब्ला एबा फोथायोबोला गमामायैनो बे बादि दुखुनांथाव जाथायजों भुगिनांनाय नङामोन।

लोगोसे दैदेनगिरि बिथांआ फोरमाय हरनानै फिन बुंबावो दि राज्योनि सिङाव थानाय थागिबि सुबुं हारि हारिसानि मोनथाय आरो थामोन्थाखौ फोजोबस्रांनायनिफ्राय होबथानो एबा रैखाथि खालामनो थाखाय दफा नं 6 खौ मावफुंनानै जाफुंसार महर होनांगौनि दाबि दैखांङो। अबथिरा जिउ गोमालांनाय दुखुथिया नख'रखौ 20 लाख रां अनसुंथाइ रानहरनाय दाबि दैखाङो‌।

Also Read : दायनां खामानियाव लोब्बा गोनां सुबुंफोरनि सायाव नायबिजिरनाय सोलिगासिनो दं :ए डि जि पि

Also Watch : RTI activist Dulal Bora arrested for allegedly blackmailing Motor Vehicle Inspector in Guwahati

Next Story
गाहाय रादाब