आसु, ए जे याइ सि पि आ गोदान दिल्लीयाव मन्थ्रि अमित चाहजों नोगोरारि सोदांनाय बिलनि सायाव सावरायगोन

Guwahati : दुलाराय आसाम फरायसा आफाद (All Assam Students Union) आरो असम जातीयताबादि युव सात्र परिषद (AJYCP) नि मोनसे गोजौ थाखोनि थान्दै हान्जा (High Delegation Teams) या नोगोरारि सोदांनाय बिल (CAB) नि सायाव गुवारै गाहामै गाहाम सावरायलायनो थाखाय मिरु न'खर बिफाननि मन्थ्रि (Minister) अमित चाह बिथांखौ मंग'लबार खालि गोदान दिल्लीयाव मोनसे जथुमायाव जिरायगोन। जेखिजादोला मानो, बै मोननै आफादनि दैदेनगिरि मोना दि सेन्टिनेल खौरांलाइजों जानाय मुगामुगि बुब्लियाव बुङो दि संसद (Inside the Parliament) नि गोजां बोथोरनि जथुम्मायाव बि जे पि नि सोरखारा दोहोरोमनि बिथायाव केब 2019 खौ बोखारनाय। राव , हारिमु , दोहोरोम समाजखान्थि फोजोबस्रांनो हानाय नोगोरारि सोदांनाय बिल नि सायाव दुलाराय आसाम फरायसा आफादनि गाहाइ नेहाथारि (General Secretary) लुरिन ज्योति गगै बिथाङा बुङो दि मिरु सोरखारा जोंखौ मोनसे सावराय जथुमाव बाहागो लाफैनो थाखाय लिंहरदों आरो बै जथुमाव बाहागो लानाया रोखा। जेराव जोंनि हादोरसानि थामोनथा, मोनथाय, रैखाथि होनांगौनि खोथा दं आरो जोंनि सुबुंदारारि खान्थि मानिनानै सोमावसारनाय हाबाफारिया सोलिलांबाय थागोन जेब्ला हालागै केबखौ बोखारनाय मोनबो आगान लाया। जों माब्लाबाबो नोगोरारि सोदांनाय बिल सुंद'यै सि ए बि खौ आजावना लाग्रोनो हाया होन्ना मिरु न'खर बिफाननि मन्थ्रिखौ फोरमाय हरगोन। गोदान आरो गोजाम बे मोननै महरनि केब (CAB) खौ जोंनि आफादनि जानानै हेंथा खालामदों।

आसामनि द'थि फारिलायाव सोसनफिन्नाय हालाम आरो सा-सानजा हादोरसानि आइ एल पि थाखानाय राइजोफोराव गोदान महरनि केबखौ मदद खालामनो हाया। मख'जाथावदि बै बिलखौ दोहोरोमनि मुंआव गाज्रि राजखान्थिनि आश्रय लादों जाय राजखान्थियारि दोलोफोरनि मोनसे आंगो खेला। जुदि केब खौ दासिमाव सोलिबाय थानाय पार्लिमेन्टनि जथुमावनो पास खालामो अब्ला राजखान्थियारि दोलो बि जे पि थाखाय मोनसे सुबिदा एबा खाबु गोनां जागोन।

नोगोरारि सोदांनाय बिल संसदाव पास जायोब्ला गमामायैनो भारतारि संबिजिदनि धोरोम सायख'जायि मोन्थोरखौ खहा खालामगोन। लोगोसे बेयो 1971 माइथायनि 24 मार्सनि हर गेजेरनि काट अफ यार नि बादियै आसाम गोरोबथानि बादिब्ला आयेन बेरेखायै हाबसनफैग्रा गुबुनारिखौ आइननि गेजेरजों सिनायनायाव बेले बेजे जागोन। बेरा फारसेथिं जाय असम जातीयताबादि युव सात्र परिषद (AJYCP) नि गाहाइ नेहाथारि (General Secretary) पलाश ज्योति सांमाइ बिथाङा बुङो दि जों माब्लाबाबो नोगोरारि सोदांनाय बिल खौ मानिनानै लानो हाया, जायनि थाखाय गोबां लाइमोन सुबुंनि अबथिरायै जिउ खोमालांनो गोनां जादोंमोन।

Also Read : आसाम प्रदेश कंग्रेस कमिटिआ केब आरो गोदान महरनि एन आर सिखौ होबथानो साखा फार

Also Watch: Chaolung Sukapha remembered at Amguri in Sivasagar District