Kokrajhar: आसाम सोरखारा गुबुन गुबुन जिलानि फरायसालियाव संनाय खावनाय खामानियाव नांथाबना थानाय आयजो ओंखाम संगिरिनि खामानिखौ एन जि अ खौ गथायनायनि हेंथायै गोख्रों सुबुंदारारि सोमावसारनाय (Massive Protest ) खौ नुनो मोननाय जादों।
मख'जाथावदि हादोरसानि दाब दाब जायगायाव गोख्रों सोमावसारनाय खुंनाय बादि बर'लेण्ड हायुंआरि गौथुम (Bodoland Territorial Council) नि गाहाइ सदर थावनि कक्राझार जिलानि सिङाव थानाय गुबुन गुबुन गुदि फरायसालिनि सानजौफुनि आदार संग्रा खावग्रा (Mid Day Meals) खामानि मावबोनाय आयजो संगिरि फोरा हेंथा खालामनानै दुलाराय बर' फरायसा आफाद (All Bodo Student Union) नि मावथि सोद्रोमा मोना बि जे पि सोरखारनि हेंथायै खुद्रिसारनाय दिन्थिफुंङो।
मख'जाथावदि 15 बोसोर गुदि फरायसालियाव सानजौफुनि आदार संनाय खावनाय हाबायाव नांथाबना थानानै खामानि मावबोनाय आयजो फोरखौ हादोरसानि बि जे पि सोरखारा फरायसालिनिफ्राय हरखाबै बोखांनो नाजानायनि हेंथायै जिलानि गाहाइ जायगानि लांगोनायाव गोख्रों सोमावसारनाय हाबाफारि दिन्थिफुंङो। बे खुद्रिसार हाबाफारिनि गेजेरजों संगिरि आयजोनि इयुनखौ साननानै फिन सुफुंथाइनि आगान लानो खावलायो।
दुलाराय बर' फरायसा आफाद नि दैदेनगिरि मावथिमोना सानजौफुनि आदार संग्रा खावग्रा खामानि मावबोनाय आयजो संगिरि फोरखौ लिरनानै फोथायहोनांगोन आरो नङाब्ला आसामनि सोलोंथाइ बिफाननि मन्थ्रि सिद्धार्थ भट्टाचार्यआ खुगाजों फोथायनायजों सिमान होनांगोन अब्लासो बिसोरो गावनि खामानियाव फिन जागायजेनगोन होन्ना फोरमायो। लोगोसे खुद्रिसारनाय हाबाफारि दिन्थिफुंनायाव बाहागो लानाय दैदेनगिरि मावथि मोना बुंथियो दि मोनफ्रोमबो जिलानि बेंगिरि अदेबानि नडेल अफिसारफोरा जिला थाखो (District Level) आव संगिरि आयजो मोनजों सावरायलायनायनि बिथोन हरनांगोन। फरायसाफोरखौ देहा जोथोननि जोबोद बाङाइ बिबांनि आदारनि सोलायै गुनगोनां आदार जगायनो थाखाय दाबि दैखांदों।
बर'लेण्ड हायुंआरि गौथुम नि नेहाथारिख' (BTC Secretariat) आव जथुमनाय खौरां मेलनि गेजेरजों लेङाइ गाहाइ आरो सोलोंथाइ बिफाननि मावफुं सोद्रोमा खाम्फा बरगयारि बिथाङा जों हायुंआरि गौथुमनि जानानै आसाम सोरखार (Assam Government) निसिम सोरबिथिंनि आबहावाखौ दुंहोनाय थासारिखौ नायबिजिरनो थाखाय गांसे लाइजाम हरगोन होन्ना बुंथिदों।
Also Read : हादोरसानि मेडिकेल कलेजफोराव देहा फाहामगिरिफोरा खामानियाव मुखुब गैया
Also Watch: Pramila Rani Brahma has no other option left except joining the Gana Suraksha Party: MP Naba Sarania