जों सानफ्रोमबो राजा लामाजों हान्थिनाय एबा थांलाय-फैलाय राहा ट्रेफिक जेंना जों भुगिनो गोनां जायो। गावनि माव थिलियाव गोब्राब ट्रेफिक जेंना जेंगोनानि थाखाय थिखानाय समनि गेजेराव सोहैयो। नाथाय बै ट्रेफिक जेंनायाबो माब्लाबा सोरनिबा जिउखौ रैखाथि होलांनो हायो। बेनो फोरमान जाबाय गोदान दिल्लीनि राजा लामायाव।
खौरां फसंथान इन्डिया टुडे आ फोरमाय हरनाय खौरांनि बादिब्ला कार गारिखौ सिंखावनाय आरो सासे सुबुंखौ लांखारनाय दायाव दुथां हान्जाखौ दासिम हालागै दिल्लीनि पुलिसनि गोग्लैदों।
सोमोनांथावै गोब्राब ट्रेफिक जेंनायाव भुगिनायाव दिल्लीनि उट्टम नोगोर जनाकपुर हालामाव 7 मिनिटनि गेजेराव पुलिस बिफाना हमनो हायो।
मख'जाथावदि दुखुथिया रिजवाल मुंनि सुबुंआ न'फारसे थांबाय थानाय समावनो हर गेजेराव लांखारग्रा हान्जाया बिखौ किड्नाप खालामदोंमोन। बिनि गारिनि साबिखौ सेख'ना लायो आरो दिल्लीनि जनाक पुरसिम दोनहैलांनो नारसिनो। बै समावनो दिल्लीनि ट्रेफिक जेंना जों भुगिनानै खुनुरुखै रिजवाला लांखारग्रा हान्जा निफ्राय जिउखौ रैखा खालामनो हायो। दासिमाव लांखारग्रा हान्जानि सोद्रोमाफोरखौ सिग्रोम गासिनो दं होन्ना बुंथियो पुलिसनि डि सि पि शरत कुमार सिनहा बिथाङा।
