फैगो 11 डिसेम्बराव असम गण परिषद दोलोआ गोदान आफाद दाफिनगोन

Guwahati: आसामनि गाहाइ ओनसोलारि बेरेखा राजखान्थि हान्जा (Regional Opposition Party) असम गण परिषद (Asom Gana Parishad) दोलोनि मोनसे गोजौ सावराय जथुम सोलिफु दाननि 11 अक्ट'याव खुंफुंनाय जादों। जेराव बै जथुमाव दानि समाव हादोरसानि सिङाव सोलिबाय थानाय माखासे गोनांथार आयदानि सायाव दोलोनि गोजौ थाखोनि दैदेनगिरि (Top Prime Leader's) मोना मा थिरांथा आजावदों बेजों लोगोसे गुबुन गुबुन आयदायाव सावरायनाय जासिगोन। गाहायै नोगोरारि सोदांनाय बिल (Citizenship Amendment Bill) नि सायाव दोलोआ मानो सिरियै थादों, बे गासै आयदायाव दोलोनि गोजौ थाखोनि दैदेनगिरि फारियै ए जि पि नि आफादगिरि (President) आरो मावफुं आफादगिरि (Working President) मासियाव जिरायबाय थानाय राजखान्थिगिरि (Politician) नि सायाव मोजाङै मोजां सावरायनाय जासिगोन। मख'जाथावदि दोलोनि मोनसे फोथायथाव सुलुंनिफ्राय मोनथिनो मोननाय खौरांनि बादिब्ला गोजौ सावराय जथुम (General Conference) खौ गुवाहाटी नोगोरमानि पान्जाबारियाव थानाय स्रिमन्त संकरदेब कलाक्षेत्रआव खुंनाय जागोन।

असम गण परिषद दोलोनि मिरु आफादा फैगो 11 डिसेम्बराव माखासे गोनांथार आयदानि सायाव सावरायनायजों लोगोसे फैगो 2021 माइथायाव जानो गोनां आसाम बिधान सभा बिसायख'थिनि थाखाय दोलोआ माबादि आवगायनो हागौ बेनि सोमोन्दै गुवारै सावरायनाय जागोन। बेराफारसे थिं जाय बे जथुमा मिरु आफादनि नुजाथिनायाव गिबि संबिजित सोदांनायनि सायाव सावरायनाय जासिगोन।

मख'जाथावदि बै गोनांथार गोजौ थाखोनि जथुमावनो गाहाइ ओनसोलारि राजखान्थि दोलो असम गण परिषद दोलोआ संबिजिदखौ सोदांफिनसिगोन। समनि फाखनाव जों माबादियै दोलोनि सानस्रि , सानथौ आरो नोजोर थांखिखौ आलगायलांनानै राज्यो-राजानि गेजेराव हाबसनफैनो हायो, बे थांखि लानानै मिरुनिफ्राय गुदि थाखोसिम नोजोर लाखिनाय जागोन। ओंखायनो बिधान सभा बिसायख'थिखौ नोजोर लाखिनानै मिरु आफादखौ गोख्रों खालामनायनि सिगां जिल्ला थाखोनि आफाद (District Committee) खौ गोख्रों खालामनायावसो सिगांलांदों। मख'जाथावदि दोलोनि सानै गोजौ थाखोनि दैदेनगिरि (Top Leaders) अतुल बरा आरो केशब महन्त बिथांमोना आसामनि गिबि मन्थ्रि (Chief Minister) सर्बानन्द सन'वाल दैदेननाय हादोरसा सोरखारनि मन्थ्रि केबिनेटनि सोद्रोमा।

Also Read:आसु, ए जे याइ सि पि आ गोदान दिल्लीयाव मन्थ्रि अमित चाहजों नोगोरारि सोदांनाय बिलनि सायाव सावरायगोन

Also Watch: AASU organized cycle and bike rally against Citizenship Amendment Bill (CAB) in Assam