Begin typing your search above and press return to search.

गनायथि मोनै कलेजनि हेंथायै आसाम गेजेरारि जौसिन फरायसालि गौथुमा मोनसे मावथांखि लागोन

गनायथि मोनै कलेजनि हेंथायै आसाम गेजेरारि जौसिन फरायसालि गौथुमा मोनसे मावथांखि लागोन

Sentinel Digital DeskBy : Sentinel Digital Desk

  |  10 Sep 2019 10:26 AM GMT

गुवाहाटी, 10 सेप्टेमबर : आसाम गेजेरारि जौसिन फरायसालि गौथुमनि सिङाव थानाय राज्योनि जुनिवर फरायसालिमाफोरा मावख'वारि आरो बिफानारिफ्राय गनायथि मोनालासे सोलिबाय थानायनि हेंथायै थाबैनो मोनसे मावथांखि आखायाव लादों। दासिमाव बेनि थाखाय मोनसे मावफुं आफादबो दानाय जादों।

आसाम गेजेरारि जौसिन फरायसालि गौथुम सुंद'यै ए इदस एस इ सि नि मासिगिरि दयानन्द बरग'हाइ आ गावनि मावख'वाव खुंफुंनाय खौरां मेलाव बुंङो दि जों मोनबावनाय खौरां बिजोंनि सुलाद बादियै बे मावथांखिखौ लानाय जादों जेराव माखासे जुनिवर फरायसालिमाफोरा गनायथि मोनालासे गेवलांङै सोलिगासिनो दं। बेनि आयदाखौ नायबिजिरनो थाखाय मोनसे आफाद दाफुंनाय जादों।

आरोबाव बिथां बरहगाइआ दाजाबदेरना बुंहरो दि एल्टारनेटिभ इंलिस आयदाखौ जानगाराव लाखिनो सानदों। जेराव गोर्लै इंराजि आयदायानो गासैबो फरायसालिनि फरायसाफोरनि थाखाय कम्पालसरियै थागोन। गोबां फरायसाफोरा गाव गावनि बिमा राव गोदान भारतारि राव (एम आइ एल) नि सोलायै एल्टारनेटिभ इंलिस आयदाखौ लायो।

जों माखासे राज्योनि दोलो आफाद जेरै आसाम थुनलाइ आफाद आरो दुलाराय आसाम फरायसा आफाद (आसु) , मुलुग सोलोंसालि आरो सोलोंथायगिरिनिफ्रायबो बे आयदानि सायाव गनायथि लानाय जागोन आरो बेखौ नांगौ एबा नाङा आयदानि सायाव जौसिन फरायसालि आरो फरायसालिमाफोरनि फ्राय 5,000 सागान लाग्रोगोन। रायदावनो गोनांदि सेमिनार खुंनायनि गेजेरजों गं जि हायार सेकेण्डारि आन्जादनि सायख'जानाय फारि एबा मेरिट लिष्टनि सायाव सावरायनाय जागोन।

Also Read: बिटिसि नि एम्फौ फिसिग्रा बिफाना खुमगुरि आरो पुन्दिबरि गामिखौ सोमखोर गामि महरै फोसावबाय

Also watch: NEDA Convener Himanta Biswa Sarma addresses Media | The Sentinel News | Assam News

Next Story