चि.चि.टि.अ.ए आ एस.टि (चेदुल्द ट्राइबस) बिलखौ दैखांना लानांगौनि दाबि दैखांदों

चि.चि.टि.अ.ए आ एस.टि (चेदुल्द ट्राइबस) बिलखौ दैखांना लानांगौनि दाबि दैखांदों

Guwahati: आसाम ट्राइबेल गौथुममारि गोरोबथि आफाद (CCTOA) आ मिरु बिफाननिसिम संबिजिरनि चेदुल्द ट्राइब बिल 2019 खौ फैबाय थानाय जानो गोनां गोजां बोथोरनि पार्लिमेन्टआव सावरायनांगौ आरो बे एस.टि बिलखौ थाबैनो दैखांनांगौनि दाबि दैखांदों। आसाम ट्राइबेल गौथुममरि गोरोबथि आफादआ फैबाय थानाय बे दाननि 22 नबेम्बर अक्ट'आव हादोरसानि मोनफ्रोम ट्राइबेल हारि थानाय गामिफोराव टर्च लाइट फोजोंना सोमावसार हान्थिगोन आरो बिल खाखोर लानानै सावनाय जागोन होनना फोरमायदों।

बे समान समावनो,आसाम ट्राइबेल गौथुममारि गोरोबथि आफादनि (CCTOA) थान्दै जानानै गोदान डिलहिआव थांनानै हादोरनि एस.टि माहारिफोरनि माखासे मावनो गोनां आरो सावरायनो गोनांफोरखौ लानानै गासै एम.पि फोरखौ लोगो हमना सावरायज्लायनायनि थाखाय थि खालामदों होनना मोन्थिहोदों।

बिसोर मिरु ट्राइबेल एफाइर्स मन्त्रि बिथां अर्जुन मुन्डा खौबो लोगो हमनानै माखासे मावनांगौ खामनिफोरनि सायाव बिथा खालामनानै सावरायनो थाखाय लोगो हमनो थांखि लादों होनना मोन्थिनो मोननाय जादों। बेखौबो दाबि दैखांदों जायनि थाखाय मिरु सोरखारनि इउनिवन नखरारि मन्त्रि अमिट साहा आरो सोलिबाय थानाय हादोरसा सोरखार आरो आसाम ट्राइबेल गौथुममारि गोरोबथि आफाद (CCTOA) मोन्थाम लोगोआरि लोगो हमनानै जायगायावनो मोनसे सावरायनायनि थाखाय थांखि लादों।

बिलनि थांखि बादि आसामाव थानाय मोन्द' माहारिफोर जेरै थाइ आहमफोर, कझ राजबंसि, चुटिया, मरान, मटकस, आरो आदिबासिफोर ( टि ट्राइबस) फोरनि थाखाय चेदुल्द ट्राइब होनांगौखौ लानानै।

‌बुधबार खालाराव सुबुं बिजोंनि गेजेरजों 'सादौ असम ट्राइबेल इउथ लिग' नि आफादगिरि रिमाल आमसिआ " जों बे बिलखौ माब्लाबाबो नाजावना लानो हानाय नङा। खेबसेयै बे मोन्द माहारिआ एस.टि एकर्ड एबा गोरोबथा खालामनाया जायोब्ला थाखानाय आसाम हादोरनि गिबि थाथि ट्राइबेल माहारिफोरनि सायाव गोहोम खोख्लैगोन" होनना बुङो।

‌बिथांआ गोब्राबै बुंबावो "गोबां हान्जाफोरा राजखान्थिगिरिफोरखौ लोगो हमना एबा राजखान्थिगिरिफोरनि दैदेननायजों बे बिलखौ लाबोनो नागिरदों आरो नाजागासिनो दं। थारैनो बे बिलनि खामानिआ मावजानो थाङोब्ला जों गोजौसिन बिजिरसालिसिम थांनानै बेनि हेंथायै गसर गाबगोन। जायफोरानो बे बिल खामानिआव मदद एबा लोबबा लाखिगोन बिसोरनि हेंथायै जों खामानि मावगोन" होनना ।

‌सादौ असम देउरि चाट्रा सान्सथा नि आफादगिरि प्रानजल देउरि बिथांआ बे मोन द माहारिफोरहा चेदुल्द ट्राइब नि थाखाय नांगौबादि बिथिंफोरनि आंखाल, बेफोरबादि आबुं बिथिं गैयि थाखोनि गेजेरजों मुगै जाथाव खामानि मावनायफोर बादि, एस.टिनि ब्रेकेटआव बिसोरखौ लाबोनायनि खामानि मावदों" होनना बुंदों।

Related Stories

No stories found.
logo
Sentinal Assam
bodo.sentinelassam.com