Top
undefined
Begin typing your search above and press return to search.

आसामनि गिबि मन्थ्रि सर्बानन्द सन'वाला ब्रन्ज आवग्रिनाय गेलेगिरि जमुना बर', लाभलिना बरगहाइखौ मान बावबाय

आसामनि गिबि मन्थ्रि सर्बानन्द सन

Sentinel Digital DeskBy : Sentinel Digital Desk

  |  23 Oct 2019 1:30 PM GMT

आसामनि गिबि मन्थ्रि सर्बानन्द सन'वाला ब्रन्ज आवग्रिनाय गेलेगिरि जमुना बर', लाभलिना बरगहाइखौ मान बावबाय

आसामनि गिबि मन्थ्रि सर्बानन्द सन'वाल बिथांआ हादोरनि जानानै मुलुगनां थाखोयाव आयजो बक्सिं सेम्पियनसिप बादायलायनायाव बाहागो लाहैनानै हादोरखौ गोग्गानाय आरो रंजानाय लाबोनो हानाय आसामनि सानै ब्रन्ज नि बान्था आवथेनो हानाय फिसाजो जमुना बर' आरो लाभलिना बरगहाइखौ हादोरसा गेलेमुं बिथांखि (State Sports Policy) नि सिङाव गुवाहाटी नोगोरमानि सरुसजाइ कर्मबिर नबिन चन्द्र बरदलै इन्दुर ष्टेडियामआव 20 लाख रांयै बान्थाजों दुंब्रुदयै मान बावहरो।

मख'जाथावदि मुलुगनां आयजो बक्सिं सेम्पियनसिप बादायलायनायाव जाफुंसार जानाय बक्सार सानैखौ थुलुंगा बिबुंथि लाखिनानै गिबि मन्थ्रि सर्बानन्द सन'वाल बिथांआ फैगो समाव अलिम्पिक खेला फोराव मुलुगनांङारि थाखोयाव मान सनमानखौ आवग्रिनो थुलुंगाखां होयो। बिबादि देरहासात जानाया जोंनि हादोरनि राज्यो-राजानि थाखाय मोजां खौरां आरो गोग्गानाय लाबोदों।

आसामनि जाखांफुनाय गेलेमुं आबहावाखौ गोख्रों खालामनायनि मोन्थोर लानानै दाब दाब जायगायाव गिबि मन्थ्रि समग्र ग्राम्य उन्नयन योजना, साहा बागानाव जोलुर बादायलायनाय बायदि बिथिंनि सायाव गुवारै नोजोर लाखिनानै गं 500 सो उदां गेलेग्रा फोथार गायसननाय नि खोथा मख'लांङो सर्बानन्द सन'वाल बिथांआ। लोगोसे सोरखारा आजावजानाय गेलेमुं बिथिंनि बेलायाव गामि , सोहोर गासैबो जायगानि साफ्रोमबो बिमा बिफा दिथागिरि फोरखौ गेलेमुं आबहावाखौ सोरजिलांनो थाखाय जाफुंसार दावखो लांनायजों लोगोसे थुलुंगा खांहोनो खावलायो।

रायखांनो गोनां दि गिबि मन्थ्रि सर्बानन्द सन'वाल बिथांआ राज्योआव गेलेमुं आबहावाखौ बिगियानारि बिरोंदामिननि गेजेरजों गोख्रैथार जौगाखांनाय नि थाखाय नांगौथार गासैबो रोखोमनि बिथिंखौ बोजबना लानायनि थाखाय बयखौबो खावलाय हरो।

मख'जाथावदि आसामनि सुनितपुर जिलानि बेलसिरि गामिनि जमुना बर' आरो गलाधाट जिलानि लाभलिना बरगहाइखौ गावनि हादोरनि सायाव आगान होनाय लोगो-लोगोनो बादि दोलो आफादनि बान्जायनायाव गुवाहाटी नोगोरमानि बरझार उरां गाथोनाव सानैखौबो दुंब्रुदयै मान बावनाय जायो।

Also Read: ए आइ टि इउ सि आफादा राज्योआरि फसंथानखौ गावारि खोन्दोआव गथायनाय नि हेंथा खालामदों

Also Watch: Fake IPS officer apprehended by locals in Biswanath

Next Story