आसाम सोरखारा माहारियारि संमेथाइखौ गोसार होनायाव फेलें जादों

आसाम सोरखारा माहारियारि संमेथाइखौ गोसार होनायाव फेलें जादों

Guwahati : आसामनि गिबि मन्थ्रि सर्बानन्द सन'वाल दैदेननाय गलाय गथाय हादोरसा सोरखारा मुंदांखा थुनलाइगिरि साहित्यरथी लक्ष्मीनाथ बेजबरुवा सुजुनाय "अ' आंनि आंगो हादोर" ( O Mor Apunar Desh) आसामनि माहारियारि संमेथाइ (National Anthem) खौ राज्योनि दाब दाब जायगायाव खुंफुंनाय मेल मिथिं एबा जथुमाव गोसारहोनायनि बेलायाव मोनबो रोखोमनि राहा लानो हायाखै होन्ना मोनसे खौरांआ सोरांङाव फैदों।

रायखांनो गोनां दि इं 2016 माइथायनि 29 फेब्रुवारियावनो आसामनि हारिमुवारि बिफाना (State Cultural Affairs Department) असमीया थुनलाइ मुलुगनि गेदेमा साहित्यरथी लक्ष्मीनाथ बेजबरुवा सुजुनाय "अ' आंनि आंगो हादोर" ( O Mor Apunar Desh) आसामनि माहारियारि संमेथाइ (National Anthem) महरै मोनसे फोसावलाइ (Notification) फोसावदोंमोन। अब्ला उननि समाव बे थिरांथाया सोरखार , दोलो आफाद आरो राज्यो-राजा बयजोंबो आजावना लाजादोंमोन। बै संमेथाइखौ रोजाबनाय आरो दामनाया 70-75 सेकेण्डनि गेजेराव फोजोबनो नांगोन।

आसाम सोरखारनि हारिमुवारि बिफान (State Cultural Affairs Department) नि नेहाथारि आरो कमिसोनार (Secretary and Commissioner) प्रितम सइकीया बिथाङा गांसे मावख'वारि फोसावलाइ (Official Notification) नि गेजेरजों फोरमायदोंमोन दि फरायसा जथुमयाव (Student Meeting), सोलोंथाइ फसंथानाव मेल खुंफुंङोब्ला (School Assembly) , सावथुन दिन्थिसालि (Cinema Hall) , हारिमुवारि हाबाफारि ( Cultural Programme) आरो मेल जथुम (Meeting) फोराव रोजाबनायनि गनायथि दं।

रायखांनो गोनां दि इं 1909 माइथायाव गिबि गिबियै "बाहि" (Flute) मुंनि असमिया रावनि सिगां सारिनि लाइसि (Magazine) आव फोसाव जादोंमोन। जायखौ सुनितपुर जिला गाहाइ सदर थावनि तेजपुराव खुंफुं जानाय आसाम फरायसा सन्मिलन (Assam Student Association ) नि जथुम्मायाव आसामनि हादोरसायारि संमेथाइ (State Song ) महरै गनायना लानाय जादोंमोन। साहित्यरथी लक्ष्मीनाथ बेजबरुवा सुजुनाय कदम कुलि मुंनि खन्थाइ जथाइ बिजाबाव बे मेथाइ रेबथुमनाय जादोंमोन। बेयो गासिबो समावनो आसामनि हादोर सिबिनाय मेथाइ (Patriot Song) महरै आजाव जादोंमोन। दासिमाव बै जारिमिनारि आसामनि हारिमायारि सिबिनाय संमेथाया राज्योनि बेन्दोंआव जिउ खांनाय बाइदि सिना हारि हारिसानि गेजेराव गोसार लांजाबाय । गाव गावनि रावावनो दानस्लाइनानै बे संमेथाइखौ सिबियो। लोगोसे सा-सानजा भारतनि राज्यो फोरावबो "अ' आंनि आंगो हादोर" संमेथाइखौ गोसो गोर्बोजों आजावनानै लादों।

नोजोर होनांगौ बाथ्रा बेनो दि हादोरसानि दाब दाब जायगायाव माहारियारि संमेथाइखौ रोजाबनाय हाबाफारियाव गोसो गोर्बोजों बाहागो लानायखौ नुनो मोनो। नाथाय बे संमेथाइखौ माखासे ओनसोलाव गोसार होनायाव सोरखारनो दासिमाव गोलाव समनि गोनांथि जासिगोन बेयो रोखाथार।

Related Stories

No stories found.
logo
Sentinal Assam
bodo.sentinelassam.com