Guwahati : आसाम सोरखारा गुबुन गुबुन हारि हारिसा नि मोनथाय, थामोन्थाखौ लानानै साखा फारा जानायखौ नुनो मोननाय जादों। मख'जाथावदि बे थांखियै हादोरसानि सिङाव थानाय फिसा फिसा थागिबि उन गोग्लैसोनाय हारिनि हानि मोनथाय (Land Rights) खौ दबथायनानै लाखिनो थाखाय आयेनारि राहा दिखांनायनि फार्से आवगायलांनायनि लामायाव। थिग बिदिनो बे आइननि गेजेरजों हादोरसानि सिङाव थानाय ट्राइबेल बेल्ट आरो ब्लक (Tribal Belts and Block) हा खोन्दोआबो सोफादेरजागोन। बै माहारिनि सुबुंफोरखौ गोदान "रैखाथि गोनां सुबुं माहारि (Protected Communities)" महरै मानथाखोआव थाफागोन।
दासिमाव बे आयदाखौ लानानै हादोरसा सोरखारनि खाजोना आरो अल'खद सामलाय बिफाननि नाजानायाव बै सुबुं माहारिखौ सिनायखांनो थाखाय मोनसे गोजौ थाखोनि रौंगोसा सुबुंफोरजों आफाद (High Power Committee) दाफुंनायनि थिरांथा लादों। मोनसे सुलुंनिफ्राइ मोनथिनो मोननाय खौरांनि बादिब्ला हादोरसानि दाब दाब खना खनला जायगायाव गोसारजानानै फिसा फिसा थागिबि उन गोग्लैसोनाय हारिनि सुबुंफोरा। रायखांनो गोनां दि बै गोजौ थाखोनि रौंगोसा सुबुंजों दाजानाय आफादनि बिबानगोरा थागिबि उन गोग्लैसोनाय हारिनि रांखान्थियारि आरो समाजारि बिथिंनि सायाव फरायसंगोन आरो उनाव बिसोरो मोनहैनो हानाय आबुं खारिथिखौ बिफानारिखौ गथायनाय जासिगोन। बै आबुं खारि (Report's) थिनि बिथायाव हादोरसा सोरखारा थागिबि उन गोग्लैसोनाय हारिनि इयुन थासारिखौ नोजोर नानै मोनसे जोबथा थि थिरांथा नाजावगोन।
मख'जाथावदि "दि सेन्टिनेल" खौरांलाइजों जानाय मुगा मुगि बुब्लियाव हादोरसा सोरखारनि खाजोना आरो अल'खद सामलाय बिफाननि गोजौ थाखोनि बिबानगोरा (Top Officials of Revenue and Disaster Management) बुङो दि
बुङो दि हादोरसानि बेनदोंआव थानाय थागिबि उन गोग्लैसोनाय हारिनि हा खोन्दोआ आयेन बेरेखायै हाबसनफैग्रा गुबुनारिनि आवथायाव गोमालांनाय आयदानि सायावबो नायसंगोन। जुदि बेबादिनो सानफा एफा गुबुनारिनि गोब्राब हा सोबख'नायनि अगेन खामानि सोलिबाय थायो, उन गोग्लैसोनाय हारिनि सुबुं माहारिया हा गोमालांजायो, अब्ला फैबाय थानाय समफोराव बिसोरो इयुननि समाव गावनि हानि मोनथायनिफ्राय जानगाराव थानांनो गोनां जागोन। बेबादि सेरखाय बेरखाय थासारिजों मुगा मुगि जानांनाय जाथाय थाबैनो सुस्रांनो हादोरसा सोरखारा गोनांथार राहा लाहैगोन।
रायखांनो गोनां दि गोदान लेण्ड प'लिसि 2019 नि सिङाव हादोरसानि मन्थ्रि केबिनेट जथुमा 21 अक्ट'बराव गनायथि होबोदों। हादोरसानि सोरबिथिं गोसारजानानै थानाय गुबुन फिसा फिसा थागिबि उन गोग्लैसोनाय हारिनि सुबुं माहारिखौ हा मोनथायजों मोनसे गोदान जर'खा मानथाखोजों सुबुं माहारिखौ रैखाथि गोनां थाखोआव सोदेरफानायनि गोनांथिनि सायाव हादोरसा सोरखारा नायसंगोन।बेनि थाखाय आरोबाव नांगौथार जायोब्ला सोरखारा गोजौ थाखोनि आफाद दाफुंगोन होन्ना मिथिनो मोननाय जादों।
Also Read : सनुवाल आ थुलुंगानायजों गोनोखोगिरि गथफोरखौ बाखनायदों
Also Watch: Nagaon villagers lured by two in the name of Pradhan Mantri Kushal Vikas Yojana