आसाम सोरखारा फालांगियारि बिथिंनि थाखाय बिमा सुक्ति दागोन

Guwahati : आसाम हादोर सोरखारा नआरि फिसिनाय जिब जुनार फोरखौ लानानै फालांगियारि बिथिंआव जौगाहोनायानि फारसे थांखि लादों। बोसोरफोर नि बेलायाव आंगोयै नआरि फिसिनाय जिब जुनार बिमा सुक्ता खामानि सायाव जेबो खालामाखै, बेखायनो नआरि फिसिनाय जिब जुनार बिमा सुक्ति नि गेजेरजों सा सान्जायारि ओनसोलफोराव दैथायहारनायखौ खालामगोन।

बृहेस्प्टिबार खालाराव जानाय खानापारा नि भेटिनारि जौमा फरायसालिनि फोथाराव प्रेस जुथुमायाव फोरमायथिदों। हादोरसा आबादारि, भेटिनारि आरो जिब जुनार आबाद नि मन्त्रि बिथां अतल बरा आ " आसाम हादोरसा केबिनेट आ बेखौनो थिसनना लाबोदोंदि गावआरि बाहायनाय बिमा सक्ति खौ। दा जों नआरि फिसिनाय जिब जुनार बिमा सुक्तिआव जिब जुनार फोरनि थाखो राननायखौ खालामनो नाजादों, जेरै हांसो, दाउ, अमा, बोर्मा मैसो बायदि बायदि। बेफोलनि बेलायाव मोनसे बिमा सुक्ति खालामनायजों लोगोसे हादोरसा आरो सा सान्जाफोराव फालांगियिरि बिथिंआव बाहाय जागोन। बिसोरनि गेजेराव आसामाव अमा दाबिगोन आरो बे बिथिंआव ओनसोलाफोरा गोजौ थाखोनि जागोन। ओनसोलफोराव अमा फिसिनाय, गुबुन फारसे बियो गोसो होथावनायै दाबिनाय खामानि जागोन। सा सान्जा ओनसोलफोरनिफ्राय अमाफोरखौ लाबोयोब्ला ओनसोलनि हाथाय बाजारफोरा थि थागोन। गावआरि बाहाय बिमा सुक्ति बिथांखिआ केबिनेट जों दैखांना लाजायो। नआरि फिसिनाय जिब जुनार बिमा सुक्तिनि गेजेरजों आबादारि बिमा सुक्ति खौ लानानै गावआरि बाहायनानै सोबखनायफोरखौ रैखा होनो हागोन।" होनना फोरमायो।

खोथाया जाबाय 2019 नि भेटिनारि जौमा फरायसालिनि फोथाराव 24 बोसोर नि उनाव आसाम हादोरसा सोरखारा सानब्रै नि हारिमायारि नआरि फिसिनाय जिब जुनार आरो दावमा दावसा फिसिनाय फोरबो खुंनो लादों, बे फोरबोआ गाहायै जिब जुनार आबादनि जिबारि बिफान, आरो आसाम नआरि फिसिनाय जिब जुनार आरो दाउमा दाउसा करपरेस्यन नि गेजेरजों जागोन।

बिथां बरा या बुङो " साबसिन आबादनि बाहागोजों मोजां फिथाय मोननो हागोन। नआरि फिसिनाय जिब जुनार आरो दाउमा दाउसा आबादनि गोनांथि फालांगियारि बिथिंआव गोनांथि" होनना फोरमायो।

जायनि थाखाय बे समायना हाबाफारिआ थाबैनो आसाम हादोरसानि गाहाय मन्त्रि सरबा नन्द सनुवालनि गेजेरजों सुकुरबार खालाराव बेखेवजागोन होनना मोन्थिनो मोननाय जादों, लोगोसे हायुंआरि मन्त्रि जिब आबादनि , डाइरिंआरि आरो फिसारिस गिरिज सिंआ लोगोआव थाफागोन। हायुंआरि मन्त्रिआ सुकुरबाराव नआरि फिसिनाय जिब जुनार आरो दाउमा दाउसा जिब आबाद दिन्थिफुंखौ बेखेवना होगोन होनना खौरां मोनो। बे समायना हाबाफारिआव गुबुन हादोरसाफोरखौ लाफानानै सोरगिदिं 200 रोखोमनि फालांगिफोर खौ नुनो मोननाय जागोन। दिन्थिफुं आरो समायना हाबा फारिआव बेसेन होनांआ जासे बाहागो लाननो हागोनखौ मोन्थिहोदों।

Also Read : टेट आन्जाद मिरुनि सिंङाव मबाइलजों गुबुन जुन्थि बाहायनायनि गनायथि गैया

Also Watch: Team ‘Ratnakar’ Celebrates its First Successful Week at Nakshatra Cinema Hall in Lakhimpur