Guwahati : हादोरनि पनसायति राज खुंथाइ नि बान्जायनायाव इ पनसायत मिशन मड प्रजेक्ट (MMP) आरो खारिथि फोनांजाब बिरोंदामिन (Information Communication Tools) बाहायनायनि बेलायाव गुबुन गुबुन राज्यो (Centre), मिरु खुंथाइ हालाम (Union Territory) नि खुंथाइ राजखौ थुलुंगाखांहोनाय थांखियै खुंनाय बोसोरारि बान्था इ पनसायत पुरष्कार, 2019 खौ फोसावदों।
2017-18 माइथाइनि बिथायाव सामलायनाय मोनसे नायबिजिरसंनायाव 2019 माइथायाव बायदिसिना बाहागोआव रान्नाय जादों। जेराव आसाम राज्योआ फारि 1 थाखो (Category) आव नैथि जायगा आवग्रिनो हायो। बे बान्था (Awards) खौ मिरु पनसायत आरो गामि जौगाथाय बिफाननि मन्थ्रि नरेन्द्र सिं टमार बिथाङा हादोरसानि पनसायत आरो गामि जौगाथाय बिफाननि मन्थ्रि (Minister For Panchayat and Rural Development) नब' कुमार दले बिथांनो बुधबाराव गोदान दिल्लीनि हादोरारि आबाद बिगियान नब्लां (National Agriculture Science Auditorium) आव रान्ना होयो।
मख'जाथावदि आफां आसामनि तिनसुकिया जिला परिषद "दीनदयाल उपाध्याय पनसायत इमपावारमेन्ट " मुंनि हादोरारि बान्था (National Award') दखल खालामनायजों राज्योआव गोग्गानाय आरो गोजोनथाव खौरां लाबोदों। जेराव हादोरसानि सिङाव थानाय माखासे गामियारि पनसायत गोग्गाथाव बान्था दखल खालामनो हादों।
बेफोरनि गेजेराव कामरुप गामियारि जिला (Kamrup Rural Dist) नि सिङाव थानाय हाज' जौगाखां खोन्दो (Development Block) नि 67 नं दामपुर गाव पनसायत (GP) , डिमरिया जौगाखां खोन्दो (Development Block) नि तेतेलिया गामियारि पनसायत (GP) आरो मरिगाव जिलानि सिङाव थानाय मायं जौगाखां खोन्दो (Development Block) नि बाघीजाप गामियारि पनसायत , मोनफ्रोमबोबो गामियारि पनसायत (Gaon Panchayat) आ थाम लाख (3 Laks) रां बान्था लोगोसे ट्रफि जों मान बावहरो।
मख'जाथावदि खौरां बिजोंनि गेजेरजों फोरमाय जानाय सुलुंनि बादिब्ला समाजारि आबहावायाव गोजोन गोगो बार गोसारहोनाय आरो गथ' गथायनि गोगो देहा गोनां सावस्रि जौगाखांनाय बेलायाव गोनांथार जानाय गासैबो रोखोमनि बिथिंखौ नोजोर लाखिनानै ग्राम्य पनसायत मुंङै मावथांखि फोसावनाय जादों।
रायखांनो गोनां दि आसामनि मरिगाव जिलानि मायं जौगाखां खोन्दो (Development Block) नि बेंखनाव थानाय देउसिल गामियारि पनसायत (Gaon Panchayat) हादोरारि बान्था आवग्रिनानै ओनसोलाव गोग्गानाय लाबोनो हाबाय।
