Guwahati : भारतीय जनता पार्ति सुंद'यै बि जे पि दोलोआ बाइ प'लखौ लानानै गुवारै साखा फारा जानायखौ नुनो मोनदों। राज्योनि गंब्रै बिधान सभा बियाबनि गंथाम मासियावनो देरहानाय नि सिमान लादों खुंथाइ हान्जाया। फैगो 21 अक्ट'बराव बिसायख'थि दावहाया खुंफुं जासिगोन।
मख'जाथावदि बै गंब्रै बिधान सभा बियाब (LACs) नि मुंआ फारियै सनारी, राङापारा, जनिया आरो राताबारि। बेनिनो गंथाम मासियाव देरहानाय नि आबुं फोथायनाय दं होन्ना फोरमायथिदों नाथाय बरपेटा जिल्लानि जनिया बियाबनि थाखाय देरहानाय नि मिजिंथिया खम जेराव बि जे पि नि बिजाथि महरै फावखुंग्रि अदेबानि गागि दैदेनगिरि तफिक रहमान गसंहोदों।
रायदावनो गोनां दि बै भारतीय जनता पार्ति मख'लांनाय गंब्रै बिधान सभा बियाबाव इलेक्सन खुंजेन्नायनि गुबै थांखिया दानि साब्रै एम एल ए (Sitting Four MLAs) मोना गावनि बिबानसम जोबस्लाबैयावनो देग्लाय नि एप्रिलाव खुंफुं जानाय ल'क सभा बिसायख'थियाव देरहानानै सांसद महरै सायख' जादोंमोन। उनाव बै गंब्रै मासिया उदां (Vacant) जाना दंमोन। सांसद महरै संसदनि दरबाराव आगान सुरलांनाय साब्रै सुबुं थान्दै मोना फारियै सनारीनि बि जे पि नि एम एल ए तपन कुमार गगैया जरहाट ल'क सभा बियाबनिफ्राय, जेराव राङापारनि एम एल ए पल्लब लचन दास तेजपुरनिफ्राय, राटाबारि बियाबनि एम एल ए कृपानाथ माल्लाया करिमगन्ज बियाब निफ्राय, जनिया बियाबनि कंग्रेस एम एल ए आब्दुल खालेका बरपेटा ल'क सभा बियाबनिफ्राय सायख' जादोंमोन।
राज्योआव सोलिबाय थानाय बिमा दुर्गा फुजानि थाखाय दोलोनि फोसावदिंनाया जुरिजेन जायाखै। फुजानि उनाव जोंनि दोलोनि गसंथेनाय बिजाथिखौ देरहाहोनो गंफ्रोमबो बियाबाव गोख्रों फोसावदिंनायखौ जागाय जेन्नाय जासिगोन होनना फोरमायदों। सोलिफु सप्ताहनि जोबथा फार्से बि जे पि दोलो आरो लोगो हान्जा असम गन परिषद आरो बर'लेण्ड पिपल्स फ्रन्टनि दैदेनगिरि मददगिरिजों ज'यै फोसावदिंनायाव बाहागो लागोनखौ फोरमायदों दोलोनि दैदेनगिरि मोना।
बे बोसोरावनो बर'लेण्ड हायुंआरि गौथुम (Bodoland Territorial Council) आरो गुवाहाटी मिउनिसिपाल कर्परेसन (Guwahati Municipality Corporation) नि खुंफुं जानो गोनां बिसायख'थिआ 2021 नि सिगां बि जे पि नि 100 निबो बारा बिधान सभा बियाबाव देरहानानै दोलोनि बिथा (Foundation) खौ गोख्रों खालामगोन होन्ना बुंथिदों होन्ना दोलोनि मावफारिया मोना फोरमायलांदों। मख'नांगोन दि फैगो 21 अक्ट'बराव भट होनाय सान आरो 24 अक्ट'बराव बिसायखथिनि फिथाय (Results) फोसावनाय जासिगोन।
Also Read: हादोरसायाव बिपद बन्धु बाहिनीखौ राज्यो-राजानि थाखाय बावसोमदों
Also Watch: Road Accident in Demow, One dies