दिनै बि जे पि आ केबखौ राज्य सभायाव दैखांगोन, सा 11 नमिनेटेट सांसदनि मदद बिहरनो हागौ
Guwahati: नोगोरारि सोदांनाय बिल ल'क सभायाव पास जानायनि उनाव दिनै राज्य सभायावबो बेले बेजे गोनां बिलखौ भारतीय जनता पार्ति सुंद'यै बि जे पि आ संसदाव दैखांगोन। बे समावनो बि जे पि दोलोनि सुलुंआव फोरमाय जादों दि जोंनि दोलो सांसदनि अन्जिमाया खम , बिल पास जानायनि सायाव दोलोनि सोलोखौ माबादि जाफुंसार जायो दोलोनि गाहाइ अमित चाह बिथांनि सायाव सोनारगोन। गुबुन फारसेथिं जाय दोलोनि दैदेनगिरि मोना बुंथिनाय खौरांनि बादिब्ला सानखान्थिखौ जायखिजाया लामाजोंनो पास खालामनायनि थाखाय आगान लानाय जागोन।
दासिमाव राज्य सभायाव सा 245 सांसद (Members) दं। बेनि गेजेरावनो माखासे मासि लान्दां (Few Seats Vacant) जाना दं। मख'जाथावदि बिलखौ पास खालामनो थाखाय बि जे पि खौ 120 भटनि गोनांथि दं। दासिमाव बि जे पि दोलोनि गावनिनो सा 83 सांसद राज्य सभायाव दं आरो बेनि लोगो राजखान्थि जथाइ हान्जा नेसनेल डेम'क्रेटिक एलायेन्स (National Democratic Alliance) नि सा 94 सांसद दं।
बि जे पि गावनि मोन 83 सांसद दं, एन डि ए गावनिनो जनता दल (U) नि सा 6, सिरुमनि आकालि दल सा 3, ल'क जनता सक्ति आरो रिपाब्लिक पार्टिनि सा 1यै दं। गासैबो ज' जानानै सा 94 सांसद दं।
मख'जाथावदि राज्य सभायाव नमिनेटेट सा 12 सांसद दं। बेनिनो बि जे पि दोलोआ सा जिसे नि मदद मोनगोन होन्ना फोथायनाय दं। बिसोरो जादों फारियै सुब्रमनियाम स्वामि, सपन दासगुप्ता, राकेश सिनहा बायदि बायदि। गासैखौबो ज हिसापाव एन डि ए नि गासै सा 105 सांसद जायो। बिलखौ पास जानायनि थाखाय ए आइ डि एम के दोलो 11 सांसदा बिलखौ पास जानायाव मदद होनायनि सम्भावना दं। बि जे पि नि सा 116 नि अनगायैबो आरोबाव सा 4 सांसदनि गोनांथि दं। अदेबानि सा 120 सांसदनि गोनांथि दं बिलखौ पास खालामनो।
मोनसे फोथायथाव सुलुंनिफ्राय मोनथिनाय खौरांनि बादिब्ला नबिन पाटनाइक दैदेननाय राजखान्थि हान्जा बिजु जनता दल नि थिरांथाया सिगांनि बादियैनो थाफागोन दि बिलखौ राज्य सभायाव पास खालामनायाव हेफाजाब होगोन।
थिग बिदिनो उरिष्सानि गिबि मन्थ्रियाबो बिलखौ पास खालामनायनि फारसे सिगांलांनायखौ इसारा होदों। दोलोनि सा 7 सांसद सोद्रोमाया नोगोरारि सोदांनाय बिलनि सायाव मदद खालामगोन।
Also Read : केबनि हेंथायै बन्द’ फोसावनायाव आसामाव मैखोम गोहोम खोलैदों
Also Watch: RTI activist Dulal Bora arrested for allegedly blackmailing Motor Vehicle Inspector in Guwahati
