Kokrajhar : बर'लेण्ड जनजाति सुरक्षा मन्स (Bodoland Janajati Suraksha Mancha ) नि दैदेनगिरि मोना थांनाय 2012 माइथायाव जालांनाय हारियारि दाङाबाजियाव सेरखाय बेरखाय थासारिजों भुगिनांनो गोनां जानाय न'खर (Family) फोरखौ लानानै जिंगासिनायखौ नुनो मोनदों। बे थांखिखौ सिगां लाखिनानै आसाम बिधान सभानि बुंथिगिरि (Assam Legislative Assembly, Speaker) हितेन्द्र नाथ गश्वामी बिथांखौ मन्सनि मोनसे थान्दै हान्जा (Delegation Team) या गावनि जोनोमफुरियावनो आयेन बेरेखायै हाबसनफैग्रा गुबुनारि मुस्लिम (Immigrant Muslim) जों थागिबि बर' हारिया गिख्रंथाव हारियारि दाङाबाजि (Communal Violence) याव हालाय हाफाय थासारिजों भुगिनांनाय बर' गामियाव गाहामै गाहाम नायबिजिरनानै रिपर्ट थाम थिम खालामनो खावलायदों। कक्राझार आरो चिरां जिलानि सिङाव थानाय बर' ट्राइबेल गामियाव दुंहाव थासारि सोमजिदोंमोन।
मोनसे खौरां बिबुंसारनि गेजेरजों बर'लेण्ड जनजाति सुरक्षा मन्स (BJSM) नि मावफुं आफादगिरि (Working President) डि डि नार्जारि बिथांआ बुङो दि गोजां बोथोराव खुंफुं जाबोनाय आसाम बिधान सभानि जथुम्मानि समाव सिडियुल ट्राइब आरो काष्टनि सिङाव थानाय माहारिफोरनि समाजारि , रांखान्थियारि, राजखान्थियारि मोनथाय, जौगाखांनाय आयदायाव सावराय जादोंमोन आरो नायबिजिरसंनाय जादोंमोन।
बे आयदाजों सोमोन्दो लाखिनानै नार्जारि बिथांआ फिन बुंबावो दि एसेम्बलिनि बुंथिगिरि (Speaker) हितेन्द्र नाथ गश्वामी बिथांआ थांनाय हारियारि दांङाबाजि जाथायाव हालाय हाफाय थासारिजों भुगिनांनाय दुखुथिया सुबुंफोरखौ हालोदखौ खौरां लाहैनायनि खोथा होदोंमोन। बै खोथा होनायखौ गोसोखांनानै सिलिंखार जानाय बर' गामि आरो गुबुन गुबुन ट्राइबेल माहारि गोगोम थानाय गामिफोराव नायगिदिंनो खावलायो। गश्वामी बिथाङा 2012 नि दांङाबाजि जाथायनि सोमोन्दै गाहामै गाहाम मोनथिबावो। माबायदियै लक्षिगन्ज पुलिस थानानि बेन्दोंआव थानाय टाकियामारि गामिनि गं 31 बर' नख'राव (Bodo Families) सिलिंखार जादोंमोन।
थिग बिदिनो गुनगुनिकाता, बाकुवाबाङि, बारसि आरो बोरसिदियाबारि बायदि बायदि बर' गामिनि राज्यो-राजाखौ रैखाथि गोनां जायगायाव लांहरनाय जादोंमोन। लोगोसे दाजाबदेरनानै गावनि बिबुंथियाव फोरमायहरो दि 2014 माइथायाव जालांनाय थागिबि बर' आरो सान्थाल हारिनि गेजेराव हारियारि दांङाबाजि जाथायाव फुलकुमारि, पाकिहागा, सामथाइबारि, समाझार, निलाइगुरि, सुकानबावनाट आरो सिलगाग्रि बायदि बर' गामियाव थानाय राज्यो-राजाफोरखौ रैखाथि गोनां जायगायाव लांहरनाय जादोंमोन। जाय हालामा दासिमाव सानथाल हारिनि सुबुंआ आवग्रिनानै (Occupy) दं होन्ना अ'जद दैखांङो।
Also Read : आसामाव नोगोरारि सोदांनाय आइनखौ गनायथि होयोब्ला आं थैलांगोन : जुबिन गार्ग
Also Watch: RD Junior College Students Stage Massive Protest against CAB