Guwahati : हादोरनि फालांगियारि राजथावनि महरै मिथिजानाय मुमबाइनि टाटा मेम'रियेल सेन्टारा दिनै मोनसे फार्लिआमेन्थारि कमिटिखौ सा-सानजा हालाम (North East Region) आव केनसार (Cancer) बेरामि जब्राफोरा गोब्राब रांखान्थियारि जेंना - जेंगोनाजों मुगा मुगि थासारियाव भुगिनांनो गोनां जादों होन्ना फोरमायदों।
दासिमाव सोलिबाय थानाय हादोरनि दाब दाब जायगायाव थानाय देहा फाहामसालिफोरनि फाहामथाइ राहाफोरखौ केनसार गोब्राब बेरामाव होबथानाय एबा सोखानायनि थाखाय देहानि जोथोन लाग्रोनाया थोजासे नंलिया। थाम बाहागोनि नै बाहागो राज्यो-राजायानो गावारि खोन्दोनि देहा फाहामथाइ फसंथान (Private Health Care Institution) थिसनदोंब्लाबो गुबुन गुबुन बेरामि जब्राफोरा माबोरै गावखौ थिसननो हागोन। मानोना जौगाफु भारत हादोराव 6 कौटि (Crore) निबो सुबुं निखाउरि सिमा हांखो (Below Property Line) नि सिङाव दं। बे सारिनि राज्यो-राजाया रां फैसानि थाखाय गावखौ फाहामथायनिफ्राय जानगाराव थानांगौ जायो। बे गिख्रंथाव खौरां (Report) खौ टाटा मेम'रियेल सेन्टारा फोरमायथिदों।
रायखांनो गोनां दि बे जिंगासिनांगौ खौरांखौ मोनसे फार्लिआमेन्थारि कमिटिआ बिगियान (Science) , बिरोंदामिन (Technology) , हाग्रामा (Forests) , बारहावा सोलायथाइ (Climate Change) नि बिफानारिखौ फोरमायदों। दासिम हालागै बै ड° बि बरुवा केनसार देहा फसंथान (Cancer Institution) आ सा-सानजा हालामाव गेब्रेबनाय गोब्राब केनसार बेरामखौ जोथोन लाग्रोनायनि थांखि जों जौगाखांनायनि थाखाय सुबुरुन होदों।
रायखांनो गोनां दि भारतीय जातीय कंग्रेस दोलो नि गागि दैदेनगिरि (Senior Leader) आरो सांसद (Parliamentarian) जयराम रमेश खौ फार्लिआमेन्थारि कमिटिनि गाहाइ महरै दाजानाय कमिटिनि बिफानारिया मुम्बाइनि टाटा मेम'रियेल सेन्टारनि एट'मिक एनेर्जि बिफानजों लोगोसे मिरु देहा सावस्रि आरो नखर अनसाइ बिफाननि बिबानगोरा मोनजों गुवारै सावरायनाय जादों।
फार्लिआमेन्थारि कमिटिनि बिफानारिफोरनि बादिब्ला ड° बि बरुवा केनसार देहा फसंथान (Cancer Institution) आ सा-सानजा हालाम (North East Region) आव गाहाम फाहामथाइ आरो जौगाखांनाय मोन्थोर जों मोनसे देहा सोखानायनि गाहाइ जायगा महरै फसंलांनायाव गोनांथि होदों। बेनि इनफ्रास्ट्राकसार एबा दाथायफोरा फारि फारियै गोब्राब महर लानाय केनसार बेराम (Cancer Disease) नि थाखाय गोजोन थाव एबा थोजासे नङा।
मख'जाथावदि दुलाराय भारत हादोरनि गासै गड़ हिसाबनि रुजुनायाव सा-सानजा हादोरसानि गोब्राब केनसार जब्रा बेरामि सुबुंफोरखौ गोजौ थाखोआव नुनो मोननाय जादों। जेराव सा-सानजा हादोरसानि राज्यो-राजाया थाबैनो बेरामनि फ्राय सोखानायनि थाखाय गावारि खोन्दोनि देहा सावस्रि फाहामसालियाव थिसन्नाय जायो। बे गिख्रंथाव खौरां थांनाय से नै जिथायनिफ्राय मोनसे सारियाव फैदों। बे हालोदा मोनबो रोखोमनि जौगाखां फोनांजाब राहा आंखालथि आरो हालुरारि आबहावानि थाखाय सोमजिदों होन्ना खौरांआ फोरमायजादों।
