Guwahati: बर'लेण्ड हायुंआरि गौथुम नि बायजोआव थानाय लाख लाख थागिबि बर' सुबुं माहारिया मैया अदेबानि मंग'लबार खालि खौसेथि बर' सुबुं गौथुम (United Boro People's Organisation) नि बान्जायनायाव गुवाहाटी नोगोरमानि गड़चुकनि खाथियाव थानाय बाथौफुरियाव गोख्रों सोमावसारनाय दिन्थिफुंङो। मख'जाथावदि बिसोरनि गाहाइ दाबिया जादों बि टि सि नि बायजोआव थानाय बर'फोरनि रांखान्थियारि (Economically), राजखान्थियारि मोनथाय (Political Rights) , समाजखान्थियारि मोन्थाय रैखाथि खालामनाय। ओंखायनो गांनाय उखैनायखौ सुफुंनो थाखाय मैया गुवाहाटीनि नोगोरमानि बिखायाव गोलाव बोसोरनिफ्राय दाबि खालामफैनाय जेंनाखौ सुफुंनो राज्यो-राजाया गोख्रों खुद्रिसारनाय दिन्थिफुंदों।
रायखांनो गोनां दि हादोरसानि सिङाव थानाय गुबुन गुबुन जायगाफोरनि बर' राज्यो-राजाया थुबुर जानाय जथुमाव मिरु खौसेथि बर' सुबुं गौथुम (United Boro People's Organisation) नि आफादगिरि (President) मिहिनिश्वर बसुमतारी बिथाङा राज्यो-राजाखौ थांखि नानै बुंथियो दि बुरलुंबुथुर सेरफां (Mighty Brahmaputra Valley) नि संकश दैमानि सोनाब (West) ओनसोलनि फ्राय सदियानि सान्जा बाहागो (East ) खौ लानानै गंसे आलादा बर'लेण्ड हादोरसा गोलाव बोसोरनिफ्राय दाबि खालामफैदों। बेराफारसे थिं जाय बुरलुंबुथुर सेरफां नि खोला बाहागोआव थानाय थागिबि बर' सुबुं माहारिनि गांनाय उखैनायखौ सुफुंनो थाखाय निलासल गावखुंथाइ गौथुम (Autonomous Council) सोरजिनायनि दाबि दैखांदोंमोन नाथाय खुंथाइनि गोहोआव जिरायनाय गंसेबो सोरखारा बि टि सि दाफुंनायनि अनगायै साउथ बेंकनि जेंनाखौ सुस्रांनायनि राहा एबा आगान लानायखौ नुनो मोननाय जायाखैसै।
रायखांनो गोनां दि सोलायथाइनि मोन्थोर जों दिसपुरनि खुंथाइ गोहो आवग्रिनाय गिबि मन्थ्रि सर्बानन्द सन'वाल दैदेननाय हादोरसा सोरखारा थाबथाबैनो बर'फोरनि गावखुंथाइ गौथुम सोरजिनानै आगान आवगाया अब्ला फैबाय थानाय गोख्रों सोमावसारनाय हाबाफारि लानाय जागोन होन्ना मिरु खौसेथि बर' सुबुं गौथुम (UBPO) नि दैदेनगिरि मोना (Leader's) हुमखि होदों। मख'जाथावदि 2014 माइथायनिफ्रायनो गावखुंथाइ गौथुम सोरजिनायनि दाबियाव सुबुंदारारि खान्थिखौ मानिनानै जांख्रिखांफैदों, नाथाय दिनैसिम हालागै गांनाय उखैनाया सुफुंनो हायाखै।
थांनाय ल'क सभा बिसायख'थि (General Election) याव कंग्रेस दोलोखौ बर' सुबुं माहारिया मदद खालामदोंमोन, उनाव राव, हारिमु, थामोनथा रैखाथि खालामनायनि स्ल'गानजों सोरखार दाफुंनाय बि जे पि दोलो (Party) खौ लोब लोब बाहागो लानानै दुंब्रुदयै भ'ट होदोंमोन। नाथाय बि जे पि नि सोरखाराबो दाबिनाय जेंनाखौ सुफुंनायाव फेलें जादों होन्ना गोख्रों अ'जद दैखांङो।
बर' कसारि गावखुंथाइ गौथुम सोरजिनायनि दाबिजों जथुमाव बाहागो लानानै बि पि एफ नि एम एल ए (Legislator) थानेस्वर बसुमतारी बिथाङा गावखुंथाइ गौथुम सोरजिनायाव गावनि दोलोनि दं थानायखौ खौरां गिरि नि सिगाङाव फोरमायो। बै सुबुं गौमा हाबाफारियाव गावखुंथाइ दाबिग्रा गोबां बर' राज्यो-राजाया बाहागो लायो।
Also Read : राज्योनि अर खोमोरग्रा आरो अल’खद सामलाय बिफाना रब’टिक फायारफाइटारखौ जागायबाय
Also Watch: Agitated locals protest against deplorable roads, gheraoes circle office in Kathigorah