गाहाय रादाब

मिरुआ काश्मिर निफ्राय बोख्लायनाय बादि दफा 371 नि सायाव जेबो राहा लाया : अमित चाह

अमित चाह

 

गुवाहाटी, 8 सेप्तेमबर : भारतनि संबिजिरनिफ्राय सा – सान्जा हादोरसाया मोनबाय थानाय जुनिया दफा 371 नि सायाव मोनबो राहा लाया अदेबानि सिगांनि बादियैनो थाफागोन होनना बुंथियो मिरुनि न’खर बिफाननि मन्थ्रि अमित चाह बिथांङा। गुवाहाटी नोगोरमानि खानापारायाव थानाय आसाम खुंथायारि स्टाफ कलेजाव खुंबोजेननाय सा-सानजा गौथुमनि नि 68 थि प्लेनारि जथुम्मायाव सनिबारनि सानजौफुआव चाह बिथांङा बुंथियोदि जुम्मु काश्मिर निफ्राय बोख्लायजानाय दफा 370 या गुबैयै अरायथा नङामोन नाथाय सा-सानजा हादोरसानिफ्राय दफा 371 खौ बोखारजानाय नङा। बै गंनै दफा नि गेजेराव गुवार फारागथि दंखायो।

मख’जाथावदि काश्मिर निफ्राय दफा 370 बोख्लाय जानायनि उनाव सा-सानजा राज्योनिफ्रायबो मिरु सोरखारनि जोहै दफा 371 खौबो बोखारनाय जागोन होनना गोबांनि गेजेराव सावराय जादोंमोन नाथाय बे खोथानि फिननायाव 371 दफाया बोखारजाया होनना संसदाव रोखा खालामो मन्थ्रि अमित चाहाया।

सा-सानजा गौथुमनि प्लेनारि जथुम्मायाव नखर मन्थ्रि अमित चाहाया गावनि बिबुंथियाव बुंदोंदि सा-सानजा याव अहिंसा लुबैनाय आरो गोजोन गैयि आबहावा सोरजिनो नागिरग्रा दुथां गोसोनि सुबुं फोरानो दफा 371 नि सायाव नंखाय बाखाय थासारि आरो नंखाय फोसावदिंनाय सोमजिदोंमोन।

रायदावनो गोनांदि सा-सानजा राज्योयाव हादोरनि नखर मन्थ्रि महरै बेनो गिबि दावबायनाय होनना गावनि बिबुंथियाव बुङो दि बिजेपि दोलोआ जायखिजाया जाहोनाव सा – सान्जा राज्योनिफ्राय दफा 371 खौ सोलायसोल’ खालामा।

 

Also Read: भारताव सासेबो आयेन बेरखायै हाबसनफैग्रा गुबुनारिया थानो मोना : अमित चाह

Also Watch: BTC sericulture adopted Kumguri and Pundibari village “Cleanness Seri- Eco Model Village”