Begin typing your search above and press return to search.

भारताव सासेबो आयेन बेरखायै हाबसनफैग्रा गुबुनारिया थानो मोना : अमित चाह

भारताव सासेबो आयेन बेरखायै हाबसनफैग्रा गुबुनारिया थानो मोना : अमित चाह

Sentinel Digital DeskBy : Sentinel Digital Desk

  |  9 Sep 2019 12:13 PM GMT

गुवाहाटी, 8 सेप्टेमबर: आसामाव साननैनि गोलाव हाबाफारि लानानै फैनाय सा-सानजा गौथुमनि जथुमाव बाहागो लानानै आसाम राज्योआव फोसावजानायनि हब्तासे उनाव राज्योआव 19 लाख सुबुंफोरखौ आबुं नोगोरारि सोदांनाय फारिलाइ फोसावजानायनि बेलायाव मिरुनि न'खर बिफाननि मन्थ्रि अमित चाह बुंदोंदि सासेबो आयेन बेरेखायै हाबसनफैनाय गुबुनारिया थानो मोननाय नङा होनना रोखायै बुंथियो।

आसाम खुंथायारि स्टाफ फरायसालिमायाव खुंफुंजानाय सा-सानजा गौथुम सुंद'यै एन ए सि नि गा 68 थि प्लेनारि जथुम्मायाव नुजानानै सोलिफु दाननि सनिबारनि सानजोफुयाव सा सान्जा गासै गं 8 राज्योनि गिबि मन्थ्रिफोरजों गुवारै सावरायनाय जायो।

नोगोरारि सोदांनाय फारिलाइ खौ लानानै दैखांनाय गोख्रों फिनजाथायनि बेलायाव

गुबुन गुबुन दोलो आफाद आरो सरासनस्रा राज्यो - राजाखौ रोखायै मिथिहोयोदि बिदेशी महरै गनायजानाय सासेबो सुबुंखौ भारत सोरखारा थानो होआ बेयो जोंनि सोरखारनि सिमान। अमित चाह फिन बुंबावोदि थिखानाय समसिमानि गेजेरावनो एन आर सि नि खामानिया फोजोबनाय जादों।

बेराफारसेथिं, हादोरनि गाहाइ मन्थ्रि नरेन्द्र मडि आरो बिजेपि दोलोआ हादोरनि इयुन जौगासारनाय आरो अनसायनायनि थाखाय आखायाव लानाय गुबुन गुबुन मावबिथांखिनि सायाव बुंहरदों बिजेपि दोलोआ सा-सानजा राज्योनि जौगानाय नि बेलायाव खामानि मावफुंनो हादों

आरो हादोर उदांस्रि नि 75 बोसोर फालिलांनाय भारत हादोराव सा - सान्जा गौथुमा फैगो इं 2022 माइथायाव 50 बोसोराव आगान होगोन।

गाहाइ मन्थ्रि नरेन्द्र मडिनि सिगां रावबो सा-सानजा गौथुमनि जथुमाव फैयाखैमोन । सा-सानजा जौगासारनाया बिजेपि दोलो आरो सोरखारनि गाहाइ सिमान आरो थांखि नोजोर । रायदावनो गोनांदि मन्थ्रि बिथांआ मुलुगदांखा मेथाइ रोजाबगिरि भारतरत्न ड° भुपेन हाजरिकानि जोनोम सानखौ गोसोखांनानै सा-सानजा गौथुमनि जथुमखौ जागायजेनो।

सा सान्जा भारतनि थागिबि सुबुंफोरनि बायदि बायदि हारिमु, रावारि सिनायथि आरो थुनलाय बै गासैबो बिथिंङाव जौगानायनि मुङाव बिजेपिया दुखु होआ। मख'नानै सोरखारा आजावनाय थिउरिया बेरेखा आयेननि जोहै गासैबो रोखोमनि हिंसायारि खामानि आरो उदखारिनि जाथायखौ एसेबो सहाया। सा-सानजा जौगानाय गासै बाजेतनि 30 जौखोन्दो खमसिन जौगानाय ओनसोल आरो गामियारि ओन्सोलाव खरसा खालामगोन आरो उरां गाथोन जौगानाय आरो गोदान महर होलांनाय खोन्दोयाव 3,600 रां खरसा खालामगोन होनना खौरांगिरिनो मिथिहोबावो।

Also Read: तेजपुर मुलुग सोलोंसालियाव सा सान्जा लाइमोन जथुम

Also Watch: BTC sericulture adopted Kumguri and Pundibari village “Cleanness Seri- Eco Model Village”

Next Story