का नि हेंथायै नरेन्द्र मडिया गोदान दिल्लीनि सुबुं गौमायाव बेरेखा दोलोखौ सोंखारिबाय 

New Delhi : हादोरनि खना खनलायाव फारि फारियै नोगोरारि सोदांनाय आइन (Citizenship Amendment Act ) बेरेखा खालामनायनि दुंहाव बार बारनायनि समावनो मैया अदेबानि रबिबार खालि हादोरनि राजथावनि गोदान दिल्लियाव थानाय रामलीला मयदानाव गाहाइ मन्थ्रि नरेन्द्र मडि बिथांआ रोजा रोजा बि जे पि नि मावथि दैदेनगिरि आरो राज्यो-राजानि थुबुर जानाय सुबुं गौमायाव बाहागो लानानै गावनि बिबुंथियाव बुंथियो दि कंग्रेस, गुबुन गुबुन बेरेखा राजखान्थि दोलोनि दैदेनगिरि मोना गोदान नोगोरारि सोदांनाय आइनखौ लानानै राज्यो-राजाखौ गोरोन्थि लामा आन्दायनो नाजादों।

गाहाइ मन्थ्रि नरेन्द्र मडिया गोदान दिल्लीआव खुफुं जानाय सुबुं गौमायाव दुंग्लाबहोनाय बिबुंथिनि माखासे सोदोब लारि

नोगोरारि सोदांनाय आइन बेरेखा खालामनायनि मुङाव हादोरनि गाहाइ बेरेखा राजखान्थि हान्जायाव जिरायनाय भारतीय माहारियारि कंग्रेस आरो आरबान नक्सालबादि मदद खालामनाय सानसुमै सानगोरों सुबुंआ अहिंसा (Violence) जाथायनि आन्दोआव दं।

माखासे दैदेनगिरि मोना एरैबायदि नंखाय खौरां (Rumour) फोसावदों एबा गेसाव बार गोसारहोदों दि गासैबो मुस्लिम सुबुंफोरखौ रैखाथि बादा (Detention Camp) लांहरनाय जागोन होन्नानै। नाथाय बेयो नंखाय आरो नंखाय।

बायदिसिना महरनि गेजेराव खौसेथि लामायानो भारत हादोरनि आखल आखु। साफ्रोमबो राज्यो-राजाया गासैबो समावनो गायसनलांनो जोथोन लाग्रोनांगौ। खौसेथि मोनथोरजों भारत हायुंआ जौगाखांनायनि लामायाव गाखोनांगोन। नोगोरारि सोदांनाय आइनाव सासेबो भारतारि नोगोरारिनि थाखाय बाहायजानाय नङा, बेयो माथो जायफोरा दोहोरोमनि बेलायाव हालाय हाफाय थासारिजों भुगिनांनाय सुबुंफोरखौसो रैखाथि होनाय जासिगोन। बेयो मुस्लिम बेरेखा थिरांथा नङा।

गाहाइ मन्थ्रि नरेन्द्र मडिनि मुसुखा सावनायखौ भारतारि नोगोरारि हिसाबै सावनो हायो नाथाय आंखौ रागा जोंखांनानै सोरखारि मावख', फसंथानाव, आरो गारि दौलदाव अर फोनांनो नाङा। गोरिब निखावरि गारि सालायगिरिनि गारिखौ बायस्रेंनो नाङा। मानोना बेयो सुबुं समाजनि दोहोन। हादोर उदांस्रिनि उननि समाव 33 रोजा पुलिसा गावनि जिउखौ गोमालांनो गोनां जादों। थेवबो बिसोरनि सायाव नोगोरारि सोदांनाय आइननि हेंथायै गाग्लोबनाय जाथाया थारैनो दुखुनांथाव।

लोगोसे राज्यो-राजाखौ सानफ्रोमबो गावनि जिउखौ रैखाथि होनानै गावनि जिउखौ बावसोमनानैबो पुलिस रैखाथि गोहोनि सायाव गाग्लोबनो नाङा। मानोना बिसोरो मोनफा दोहोरोम, समाजनि थाखाय खामानि मावा। नोगोरारि सोदांफिन्नाय आइन आरो हादोरारि नोगोरारि फारिलाइखौ बेरेखा खालामनाय सोनाब बंगनि गिबि मन्थ्रि ममता बेनार्जिखौ गाग्लोबो मडिया। बियो बुंथियो दि भट मोन्नायनि स्वार्थावनो बेनार्जिया गावनि थांखि थिरांथाखौ सोलायदों होन्ना अ'जद दैखाङो।

Also Read :आसामनि मन्थ्रि हान्जाया आजावनाय थांखियाव राज्योआव फिनजाथाय सोमजिदों

Also Watch: Women in Naharkatia stage sit-in protest against CAA-2019