आसामाव बि एस एन एल नि सिबिथाय बन्द जाया: गाहाइ सामलायगिरि सन्दीप गभिला

सा-सानजानि आसाम टेलिकम खोन्दो (Assam Telecom Circle) गाहाइ सामलायगिरि सन्दीप गहील बिथांआ खौरां मेल खुंफुंनायनि गेजेरजों बुंदोंदि थांनाय 9 आरो 10 अक्ट'बर खालाराव गुवारै गोसार जानाय मोब्लिबारि आरो लेखा बिलाइनि खौरां बिजों , समाजारि बिजोंनि गेजेरजों फोसाव जानाय खौरांआ नंखाय होन्ना रोखा खालामबाय। ट्राइ ( Telecom Regulatory Authority of India) नि वेबसाइटाव फोसाव जानाय खारिनि बादिब्ला भारत संसार निगम लिमिटेड सुंद'यै बि एस एन एल नि सिबिथाया सानसेनि उनाव सानसेनि लान्थ्रियै दावखो लांगासिनोसो दं। बेवहाय बन्द जानायनि सोंथि फैया। हादोरनि साफ्रोमबो बि एस एन एल बाहायगिरिनो बायदि सिना सिबिथायनि सुबिदा होलांदों आरो गुबैयै रौनिया हान्जानि ज'वानफोरखौ हेफाजाब होफैदों । ओंखायनो भारत सोरखारनि राज्योआरि खोन्दोनि टेलिकम फसंथान बि एस एन एल नि सिबिथाया बन्द जाया।

मख'जाथावदि जोंङो थाबथाबैनो 3 जि 4 जि नि सिबिथाइखौ जागाय जेननायनि खोथा बुंदोंमोन। थांनाय नै थाम सानाव भारत संसार निगम लिमिटेड सुंद'यै बि एस एन एल नि सिबिथाया बन्द जागोन होनना बयजोंबो सावराय जादोंमोन। नाथाय भारत सोरखारा मोनबो रोखोमनि मावख'वारि फोसावलाइ (Official Notification) ओंखाराखै। थाबैनो भारत संसार निगम लिमिटेड सुंद'यै बि एस एन एल नि सिबिथायनि गोदान पेक जुरिजेनसिगोन।

रायदावनो गोनां दि गोदानै जागायनो लानाय भारत संसार निगम लिमिटेड सुंद'यै बि एस एन एल या 4 जि पेकेजाव महर होगोन। हादोराव बि एस एन एल आ मोनसे सिगां सारिनि गोख्रों टेलिकम कम्पानि । दासिमाव भारत संसार निगम लिमिटेड सुंद'यै बि एस एन एल आ आसाम सोरखारजों थाम बोसोरनि थाखाय गोरोबथायाव सागान होदोंमोन।

भारत संसार निगम लिमिटेड सुंद'यै बि एस एन एल नि सिबिथाय टेलिकम खोन्दो (Assam Telecome Circle) राज्योनि गं 36 बाहायगिरि सिबिथाय मिरु (Customer Service Centre) आधार कार्ड मुं थिसन्नायनि राहा लादों। बेफोरनि गेजेराव दं फारियै गुवाहाटी, बरपेटा, बङाइगाव, धुबुरि, कक्राझार, नलबारि, डिब्रुगर, तिनसुकिया, गलाधाट, जरहाट , शिवसागर, माजुली, मरिगाव, मरिगाव, नगाव, हाफ्लं, हाइलाकान्दि, करिमगन्ज, तेजपुर, मंगलदै आरो अदालगुरि । दायो गुवाहाटी नोगोरमानि दिसफुर, नुनमाटि, पानबजार आरो उलुबारि याव आधार कार्ड थिसननाय मिरु नि राहा लादों।

आसाम खोन्दो भारत संसार निगम लिमिटेड सुंद'यै बि एस एन एल नि बिबानगिरिया बुंदों दि आसामनि माखासे हालामाव 4 जि नि सिबिथायखौ जागाय जेन्नाय जादों आरो गुबुन गुबुन ओनसोलावबो गोसार होनायनि खोथा सोलिगासिनो दं होन्ना बुंथियो। लोगोसे गोदानै जुरिजेननाय बिथांखिनि सायाव बुङो दि फोर्बोनि समाव (Festive Season) 1699 रांआव गुबुन सिम बाहायगिरिजों आनलिमिटेड कल नि राहा , 455 सानाव सानफ्रोमबो 2 जिबि डाटा जों 100 एस एम एस नि सुबिदा आरो जों (बि एस एन एल) माब्लाबाबो उफ्रा रां (Charge) लाया होन्ना खौरां मेल खुंफुंनायनि गेजेरजों मिथिहोयो।

Also Read: सा लक्षिमपुर फरायसालिमा लांगोनायाव मुलुगनां गथ’ हिन्जाव सान फालिदों

Also Watch: All Assam Bengali Youth Students’ Federation in Biswanath demands error-free NRC