Begin typing your search above and press return to search.

कंग्रेस दोलोआ बिधान सभानि जर'खा जथुम्मायाव सि ए ए बेरेखा थांखि दैखांगोन

कंग्रेस दोलोआ बिधान सभानि जरखा जथुम्मायाव सि ए ए बेरेखा थांखि दैखांगोन

Sentinel Digital DeskBy : Sentinel Digital Desk

  |  4 Jan 2020 7:37 AM GMT

Guwahati : नोगोरारि सोदांफिन्नाय आइन (Citizenship Amendment Act) खौ बेरेखा खालामनानै सोमजिनाय सोमावसारनाय आबहावाखौ नोजोर लाखिनानै कंग्रेस दोलोनि साखा-फारा जानायखौ नुनो मोनदों। बेनिफ्राइ मोनदांनो हायो बेरेखा दोलो कंग्रेसा सुबिदा लानो नागिरदों। फैगो 13 जानुवारीयाव खुंफुंजानो गोनां आसाम बिधान सभा बियाबनि जर'खा जथुम्मायाव (Assam Assembly Special Session) दुंहाव जानायखौ मिजिंथिनाय जादों। गुबैयै नोगोरारि सोदांफिन्नाय आइनखौ जाबसिन्ना होयैनि थाखाय थांखि दैखांनाय जासिगोन। गुवाहाटीनि गंसे होटेलाव खुफुंनाय मोनसे खौरां गिरि मेलनि गेजेरजों बे खोथाखौ मोनथिनानै होयो आसाम प्रदेश कंग्रेसनि आफादगिरि (APCC President) रिपुन बरा बिथाङा। सि ए ए आइना जाहाथे आसामाव जाबसिन्नाय जाया बेनि थांखियै बयनिबो मदद मोन्नायाव मोनसे थांखि आजावनानै मिरु सोरखारखौ गथायनायनि थाखाय सोंथि दैखांगोन।

मख'जाथावदि फैगो 13 जानुवारिआव खुंफुंजानो गोनां बिधान सभानि जथुम्मा सिडियुल काष्ट ( SC) आरो ट्राइब ( ST) नि सायाव सावरायनाय जागोन थेवबो कंग्रेस दोलोआ नोगोरारि सोदांफिन्नाय आइननि सायाव सावरायनायनि दाबि दैखांगोन होन्ना बुंथियो। बि जे पि दोलोआ सिगांआव जारिमिनारि आसाम गोरोबथानि दफाफोरखौ मावफुंनायनि सदबांसा होदोंमोन नाथाय दासान्दि बिसोरो सि ए ए खौ लाबोनानै अस'मिया सुबुं माहारिनि राव हारिमु दोहोरोम समाजखान्थिखौ फोजोबस्रांनो सिगांलांदों। ओंखायनो बि जे पि नि कंग्रेस दोलोनि सायाव गोखै रावजों सोंखारिनायनि मोन्थाय गैया। दासान्दि आसामनि सोरबिथिं नोगोरारि आइननि हेंथायै गासैबो थाखोनि राज्यो-राजाया ओंखारफैदों। सोमावसारनायखौ नुफेरै बि जे पि आ गुलुं गुजुं थासारिनि आन्दोआव कंग्रेस, लेफ्ट पार्टिखौ लोब्बा थानायनि दाय हमदों होन्ना अ'जद दैखाङो।

गुबुन फारसेथिं जाय आरोबाव आसाम कंग्रेसनि आफादगिरि बराया बुंफिनो दि मन्थ्रि हिमन्त बिश्व सर्मा, आसाम बि जे पि नि आफादगिरि रन्जित कुमार दास आरो एम एल ए मृनाल सइकीया मोनखौ दोहोरोमारि बेरेखा सानस्रिजों सुबुंखौ एदावनायनि थाखाय दिनै हादोरसायाव गिलु बालु थासारि सोमजिदों। गिबि गिबियावनो बिसोरखौ सुबुं बेरेखा सानस्रिजों रायनायनिफ्राय हमथानानै लाखिदो होन्ना बुंथियो।

बेरा फारसेथिं जाय सोरखारनि गोहोयाव जिरायनायनि सिगां आयेन बेरेखायै हाबसनफैग्रा गुबुनारिखौ बोख्लायहरनायनि समायखिरा होनाय बि जे पि दोलोआ दासान्दि उल्थायै गुबुनारिखौ बरायबाय। गुबुनखौ गोखा गोखा रावजों सोंखारिनायनि सोलायै राज्यो-राजानि गाहाम सान्नानै जौगाखांनाय खामानियाव गोसो होथारनांगौ। लोगोसे फैगो बिधान सभा बियाबनि बिसायख'थि खुंफुंनायनि सिगां गोदान राजखान्थि दोलो जाय एन टि का, दोहोरोम सायख'जायै सानस्रिनि दोलोजों एलायेनस खालामनो राजि होन्ना फोरमायो ।

Also Read :सि ए ए बेरेखा सोमावसारनाया राजखान्थियारि सानस्रिनि महर मोनदों : मन्थ्रि हिमन्त

Also Watch: All Assam Lawyers Association staged protest rally against CAA 2019 in Guwahati

Next Story