दिसपुरनि जोबथा थिरांथा आरो बिबुंथिखौ आर जि आइ आ नेगासिनो दं

Guwahati : हादोरसायाव सोलिबोबाय थानाय हादोरारि नोगोरारि फारिलाइ ( National Registration of Citizenship) नि थिरांथा नि सायाव आसाम सोरखार आरो भारतनि रेजिस्थार जेनेरेल (Register General of India) नि जोबथा थांखि लानायखौ नेगासिनो दं। 2015 माइथायनि 31 आगष्ट हादोरारि नोगोरारि फारिलाइ (NRC) आव गावनि मुं फारिलायाव सोफानाय आर'ज गाबहरनायनि जोबथा अक्ट'मोन आरो 2019 माइथाय अदेबानि बोहैथि बोसोरनि 31 आगष्ट खालि गोलाव सोमावसारनायनि फिथाय महरै हादोरसा बेंखनाव थानाय राज्यो-राजाया ब्रै बोसोर उनाव हादोरारि नोगोरारि फारिलाइ ( National Registration of Citizenship) मोननो हाबाय।

थांनाय ब्रै बोसोरनि गेजेराव जोनोम जानाय गथ' गथाय (Babies) फोरनि मुं एन आइ सि फारिलायाव हाबजाथ'वाखै लोगोसे दानि आरो उननि समाव जोनोम जानो गोनां गथ'फोरनि मुं खारिथि गोमालांनो हागौ। बेराफारसे थिं एन आर सि नि मावबिबान गोरा (Authority) मोना एन आर सि नि आपडेट खामानि मोनसे बोथोरारि सम सिमा (Seasonal) नि गेजेराव मावफुंनो नागिरो। बेनिखायनो आसामनि एन आर सि नि गोथौयै नायबिजिरनाय खामानियाव थिरांथा थिसननाय गाहाइ सामलायगिरि (Chief Coordinator) प्रतिक हाजेला बिथाङा दासिमाव भारतनि रेजिस्थार जेनेरेल खौ हादोरारि नोगोरारि फारिलाइ ( National Registration of Citizenship) नि अथ'रिथिया आपडेट नि थाखाय मोनफ्रोम द' दाननि (Every Six Month) उन उन खामानि मावलांनो थाखाय थांखि (Proposals) गथायनाय जादों। ओरैहाय भारतनि रेजिस्थार जेनेरेल (RGI) आबो हादोरसा सोरखारनि फ्राय एन आर सि नि बोथोरारि (Seasonal) आपडेट खामानि नि सायाव बिबुंथि होनायखौ नागिरो।

दा बावैसो सिगां जालांनाय मोनसे गोजौ थाखोनि गोनांथार जथुमाव गोजौ थाखोनि बिबान गिरि नि नुजाथिनायाव भारतनि रेजिस्थार जेनेरेल नि बिबाननारिया हादोरारि नोगोरारि फारिलाइ (NRC) नि अथ'रिथिखौ आपडेट महर होनायनि थाखाय हादोरसा सोरखारनि बिबुंथि दैथायहरनो बुंदों।

आबुं हादोरारि नोगोरारि फारिलायाव सा 3,30,27,661 या (आर'ज गाबहरनायनि जोहै सा 68,37,660) गावनि मुं फारिलायाव सोफानो थाखाय आर'ज गाबहरदोंमोन । मख'जाथावदि बेसोर आर'ज गाबहरनायनि गेजेराव सा 3,11,21,004 या नंगुबै (Eligible) सानजादोंमोन आरो सा 19,06,657 नोगोरारिया नंगुबै फोरमानथि गैयि एबा गुबुन गुबुन जाहोननि थाखाय इनइलिजिबुल सानजादोंमोन।

Also Read : गुवाहाटी नि सान भेलि देहा फाहामसालियाव बारग’ डि जि पि खगेन शर्माया थैलांबाय

Also Watch : SMSS formed Human Chain to protest against ‘Citizenship Amendment Bill’ across Assam