Top
Begin typing your search above and press return to search.

सि ए ए जों दफा नं 6 खौ लानानै राज्यो-राजाखौ दाफोथायहो : समुज्जल भट्टाचार्य

सि ए ए जों दफा नं 6 खौ लानानै राज्यो-राजाखौ दाफोथायहो : समुज्जल भट्टाचार्य

Sentinel Digital DeskBy : Sentinel Digital Desk

  |  13 Jan 2020 6:20 AM GMT

GUWAHATI : राज्योआव दासान्दि मागु दमासि खुंफुंनायनि लाहार फाहार सोलिगासिनो दं बै दुलाराय आसाम फरायसा आफादनि दैदेनगिरि मोना सोरखारनि हेंथायै गोख्रों रावजों सावरायनाय जानायखौ नुनो मोननाय जादों। बिसोरो बुंदोंदि नोगोरारि सोदांफिन्नाय आइन (Citizenship Amendment Act) जों आसाम गोरोबथा (Assam Accord) नि दफा नं 6 खौ सरजाबनो नाङा होनना हुमखि होदों। लोगोसे गोलाव 34 बोसोर नाङै भुगिनांनाय जेंनाखौ राज्योनि थागिबि सुबुं माहारिखौ संबिजिदारि रैखाथि थामोन्थाखौ रोखा खालामनो थाखाय माखासे थांखिफोर गथायदों। गुवाहाटी नोगोरमानि सहीद नियासाव खौरांगिरिजों जानाय मुगा मुगि बुब्लियाव रबिबार खालि दुलाराय आसाम फरायसा आफादनि बोसोनगिरि (AASU Chief Adviser) समुज्जल भट्टाचार्य बिथाङा बुङो दफा नं 6 आ गुबैयै 1951 आरो 1971 मायथाइनि गेजेराव आसामाव हाबफैनाय आयेन बेरेखा नोगोरारिखौ सिनायथिनानै बोखारनाय आरो थागिबि सुबुं माहारिनि गांनाय उखैनायखौ सुफुंनाय आरो संबिजिदारि रैखाथि थामोनथा जगायनाय। गुबुन फारसेथिं जाय नोगोरारि सोदांफिन्नाय आइन (Citizenship Amendment Act) आ 1971 माइथाय आरो 2014 माइथायनि 31 डिसेम्बरसिम आयेन बेरेखा बांलादेशी गुबुनारि खौ गनायथि होनाय। ओंखायनो नोगोरारि सोदांफिन्नाय आइनजों दफा नं 6 नि मोनबो सोमोन्दो गैथारा। जारिमिनारि आसाम गोरोबथानि गुबै मोनथोरा जादों 1971 माइथायनि 25 मार्सनि काट अफ यार नि बादिब्ला आसामनिफ्राय आयेन बेरेखायै हाबसनफैग्रा बांलादेशी गुबुनारिखौ सिनायखांनानै बोख्लायहरनाय। गुबुन फारसेथिं नोगोरारि सोदांफिन्नाय आइननि गेजेरजों 1971 माइथाय आरो 2014 माइथायनि 31 डिसेम्बरनि गेजेराव हाबफैनाय नन मुस्लिम सुबुंफोरखौ भारतारि नोगोरारिनि गनायथि होगोन।

मख'जाथावदि नोगोरारि सोदांफिन्नाय आइना जारिमिनारि आसाम गोरोबथाखौ सिफायलांदो होन्ना फोरमायो। समुज्जल भट्टाचार्य बिथाङा बुङो दि बि जे पि दैदेननाय मिरु राज्यो सोरखारा राज्यो-राजाखौ नंखाय लामाजों आनदायहोदों। सोरखारनि बेबादि थिरांथाया गमामायैनो सुबुं बेरेखा। आसाम गोरोबथाखौ खहा खालामनो हाथाव मोनबो थिरांथा जों माब्लाबाबो मानिनानै लानो हाया। 1971 माइथायनि 25 मार्सनि उनाव आरोबाव आसाम हादोरसाया आयेन बेरेखा गुबुनारिनि जेंना जेंगोनाखौ आजावनो लाथनो हनाय नङा। आसामा गोहो बोलो नारसिन्नानै जाबसिन्ना होनाय थिरांथाखौ मानिनानै लाया, हारि हादोरखौ मोजां मोनग्रा सासेबो सुबुंआ बेखौ मानिथारा होन्ना बुंथियो। लोगोसे बुंबावो दि बिधान सभा, ल'क सभा बियाब आरो लकेल बडियाव थागिबि सुबुंनि थाखाय संरैखाथि होथारनांगौ । थागिबि नोगोरारिखौ मिरु सोरखारनि सिङाव थानाय साख्रि, सेमि गभमेन्ट रैखाथि होनाय, हा आरो मिथिंगायारि सम्पद आरो थागिबि सुबुं माहारिनि थाखाय आपार हाउस सोरजिनायनि दाबि दैखाङो।

Also Read :गुवाहाटी क्लाबाव सि ए ए नि हेंथायै आसुनि बान्जायनायाव सुबुं जाउरिखांनाय हाबाफारि

Also Watch: Protesters, who walked all the way from Tinsukia-Guwahati to protest against CAA 2019, Detained!

Next Story