गुवाहाटिः गुवाहाटि नोगोरमानि सिंआव थानाय बेलतलायाव थानाय इ.एस.आइ.चि (ESIC ) मदेल देहा फाहामसालियाव मोननांगौ एबा बेरामिफोरनि थाखाय सुबिदा मोननांगौनिफ्राय मोनिनि जाहोनाव मानसिफोरनि नोजोराव गोग्लैदों। सा-सानजा ओनसोल इ.एस.आइ.चि (ESIC ) मदेल देहा फाहामसालिफोरखौ बेरामिफोर नायनायनि सोलाय काब्बिहल बादिसो नुनो मोननाय जादों जायनि थाखाय बेरामि दोनग्रा बिसना गैयैनि थाखाय।
2017 माइथायनि 6 अक्टबर दानाव इ.एस.आइ.चि (ESIC ) मदेल देहा फाहामसालि बिथांखि बादि मावथि फोरनो 50 गं बिसना,इ.एस.आइ.चि (ESIC ) मदेल देहा फाहामसालिआव 100 गं बिसना होनायनि लादोंमोन। बे बिथांखिनि सायाव सोनारनानैनो लेबार आरो इमप्लयि बिफाननि मन्त्रि (इन्दे पेनदेन्ट) शान्टस कुमार गांगवार थारैनो इ.एस.आइ.चि (ESIC ) मदेल देहा फाहामसालिया गंसे 200 खान बिसना थानाय जानांगोन होनना मोन्थिसारहोयो। नाथाय बिथांखिनि सायाव जे मावफुंनाय नुनो मोननाय जायाखै होनना मोन्थिनो मोननाय जादों।
इ.एस.आइ.चि (ESIC) नि बादिब्ला मावनो लानाय बिथांखिखौ मिरूवारि राइजो खामानि बिफान CPWD, ( Central public work department ) नो मावनो थाखाय गथायनाय जाबाय होनना फोरमायदों। इ.एस.आइ.चि (ESIC ) आ जेसेबां खामानि मावनो बिथांखि लानाय जाबाय लोगोसे दा नुजानाय जेंनाफोरखौ मावफुंनो थाखाय मिरूवारि राइजो खामानि बिफान CPWD, ( Central public work department ) नो बारहोहरनाय जाबाय होनना मोन्थिहोदों।
बेनि खौरां लानाय बादियै बिथांखिनि सोमोन्दै मोजाङै मोन्थिनो थाखाय मिरूवारि राइजो खामानि बिफान (CPWD) नि सासे इन्जिनियारखौ लोगो हमनायजों लोगोसे बेखौनो मोन्थिनो हानाय जायो बे बिथांखिआ 164.73 कौति रां बाजेदनि, देहा फाहामसालि नआ 15 बिघा हानि ग्रावन्द 5, बिलदिं , 200 गं बिसना गोनां मोनसे बिथांखि ।
बे बिथांखिनि खामानिया मानो गोख्रै मावफुंजायाखै सोंथि दैखांनायाव मिरूवारि राइजो खामानि बिफान (CPWD) नि सासे इन्जिनियारा " एम.अ.इउ (MoU) आरो इ.एस.आइ.चि (ESIC ) जों मिरूवारि राइजो खामानि बिफान (CPWD) जों बे बिथांखिनि खामानिखौ मावफुंनो थाखाय 2018 माइथायनि 18 आगष्तआव सुक्ति खाज्लायदोंमोन। 2019 माइथायाव डि.पि.आर (DPR) नि गेजेरजों बिथांखिनि सोमोन्दै फोरमायनाय जादों,जायनि थाखाय खामानिखौ इ.एस.आइ.चि (ESIC ) आ डि.पि.आर (DPR) खौ नाजावनायनि उनावसो जों खामानिखौ मावनो हागोन" होनना फोरमायो।
आसामनि चि.आइ.ति.इउ (CITU) नि गाहाय नेहाथारि तापान कुमार सारमा बिथाङाबो इ.एस.आइ.चि (ESIC ) आरो मिरूवारि राइजो खामानि बिफान(CPWD) आ बे बिथांखिनि सायाव गोसो होयिखौ नुना सोंखारिदों। सारमा बिथाङा बेखौनो बुंबावोदि जायनि थाखाय इ.एस.आइ.चि (ESIC ) नि गाहाय सामलायगिरोनो आरज गथायब्लाबो बेलतला इ.एस.आइ.चि (ESIC ) मदेल देहा फाहामसालिखौ लाना "धर्ना" होनाया जोबाखै होनना। आरो हादाररारि राइजो खामानि बिफाना जेबो नोजोर लायाखै होनना फोरमायबावो।
जाहोनबादियै मदेल देहा फाहामसालिआव गं 50 फुथुग्रा बिसनाफोरल' दं जायनि थाखाय गोबां बेरामिफोरानो हायावसो थानांनायखौ नुनो मोननाय जादों।
Also Read: टंला महलियापारा लामानि गाज्रि हालोदनि थाखाय राज्यो-राजाया खुद्रिसारदों
Also Watch: Does Candidates from other states dominating Railway Jobs in the Northeast?