राज्योनि गंफ्रोमबो फरायसालियाव एन सि सिखौ गायसंलांनाया गाहाम : मन्थ्रि प्रमिला रानी ब्रह्म
DHUBRI: हादोरनि रैखाथि आरो थामोनथानि थाखाय आसामनि गंफ्रोमबो फरायसालियाव इयुन आथाला (New Generation) थुलुंगाखांनायनि फारसे नोजोर लाखिनानै एन सि सि हान्जा गायसंलांनांगोन होन्ना आसामनि समाज अनसाइ जौगाखां बिफाननि (State Social Welfare Minister) मन्थ्रि प्रमिला रानी ब्रह्म बिथांआ बुंथियो। मख'जाथावदि धुबुरिनि गंसे सोलोंथाइ फसंथानाव 71 थि एन सि सि नि गायसननाय सान फालिथाय हाबाफारियाव गाहाइ आलासि (Chief Guest) महरै नुजाथिना बे बिबुंथिखौ लाखियो। बै गायसननाय सान फालिथाय हाबाफारियाव दानि समफोराव मबाइल फन एबा जानबुं बाहायनायनि गेजेरजों अगेन खामानियाव नांथाबदों बेनि सोमोन्दै गुवारै सावरायनाय जायो। लोगोसे धुबुरिनि भलानाथ फरायसालिमा गेलेग्रा फोथारनि लांगोनायाव बडी बिल्डिं, पेरेड आरो हादोर सिबिनाय मेथाइ रोजाबनायखौ दिन्थिनाय जायो। जेराव ओनसोलारि साखाथि फाखाथिनि जायगाफोरनि राज्यो-राजाजों लोगोसे धुबुरि, बङाइगाव, बरपेटा, चिरां, कक्राझार आरो नलबारि जिला बायदिनि एन सि सि केडेडा बाहागो लाफैयो।
1948 माइथायाव गायसं जालांनाय एन सि सि आव गोबां बान्था एबा गोगोम मान सनमान (Achievement) आवग्रिनो हानायनि खोथाखौ मख'लांङो आसामनि एन सि सि कर्नेल निरज बक्सि बिथाङा। जारिमिनगिरि गोलाव 71 थि बोसोराव एन सि सि आ हादोरखौ गोग्गानायजों रैखाथि आरो थामोनथाजों गोजोर लाखिनानै जुनियायै दावहायाव थुलुंगाखां (Valour) होबोदों।
मख'जाथावदि बै हाबाफारियावनो आसामनि एन सि सि कर्नेल बक्सि बिथाङा बुङो दि 1948 माइथायाव एन सि सि आ भारतारि फाइखि (Indian Army) आव सोफादेरनाय जायो। थिग बिदिनो भारतारि नेभि (Indian Navy) याव 1952 माइथायाव आरो अख्रां दिङानि गोहो (Air Force) याव सोफादेरनाय जायो। दासिमाव दुलाराय भारत हादोरनि दाब दाब जायगायाव एन सि सि नि केडेडनि अन्जिमाया अ'जायै 15 लाख। जाय गोहोया सानसेनि उनाव सानसे फारि फारियै बादायलु बिगियान बिरोंदामिननि मुगायाव गोख्रोंनिफ्राय गोख्रोंसिन जाबोनो हमदों आरो लोगोसे गेलेमु बिथिङावबो लाबोनाय जासिगोन होन्ना फोरमायो बक्सि बिथाङा।
रायखांनो गोनां दि आं एन सि सि आव हाबफैनाय नि उनाव गासैबो बिथिङाव जौगानायनि लामायाव गायसंलादों आरो आवगायलांनायनि थांखियै खामानि मावलांगासिनो दं होन्ना बुंथियो। लोगोसे गुबुन गुबुन बिथिंनि राज्यो-राजायाबो गोख्रों महराव दावखोलांनायाव मदद होदों नाथाय जुनियायै
आसामनि समाज अनसाइ जौगाखां बिफाननि (State Social Welfare Minister) मन्थ्रि प्रमिला रानी ब्रह्म आरो धुबुरिनि भलानाथ फरायसालिमा गोरायुं (Principal) ड° ध्रुब' चक्रबर्ती बिथांमोना गासैबो थाखोनि बिहोमा होलांदों होन्ना फोरमायबावो। लोगोसे बै हाबाफारियाव गाहाइ आलासि महरै नुजाथिना मन्थ्रि प्रमिला रानी ब्रह्म बिथांआ फायार रेन्जखौ बेखेवना होयो जेराव एन सि सि नि गुबुन गुबुन गोजौ थाखोनि बिबानगोरा बाहागो लाफैयो।
