गुवाहाटी हाइकर्टआ ट्राइबेल बेल्ट आरो ब्लकनिफ्राय गुबुनारिखौ बोख्लाय हरनो बिथोन
Guwahati : राज्योनि दाब दाब जायगायाव थानाय थागिबि सुबुं माहारिनि मोनथाय, रैखाथि , गांनाय उखैनायखौ नोजोर लाखिनानै गुवाहाटी गोजौ बिजिरसालि (Gauhati High Court) या साखा फारा जानायखौ नुनो मोननाय जादों। बेनि थाखाय गंफा गंफा जिला बेंगिरि आरो बि टि सि नि नेहाथारिखौ ट्राइबेल बेल्ट आरो ब्लक हा खोन्दोआव गुबुनारि नोगोरारिया आइन बेरेखायै दखल खालामग्रा सुबुंफोरनि हेंथायै राहा लानो बिथोन होदों। बेजों लोगोसे जिल्ला बेंगिरि आरो गाहाइ नेहाथारिया दखल जानाय हा खोन्दोखौ उदां खालामनायनि फोरमानथिखौ फैगो 2020 माइथायनि 3 फेब्रुवारियाव जमा खालामथार नांगोन। सोरबा जिल्ला बेंगिरिया गावनि मावथारनांगौ खामानिखौ मावजोबा एबा बिबानखौ आबुङै फोजोबनानै लाया अब्ला बै बिबानगिरिनि हेंथायै गोनांथार आयेनारि राहा आरो दानबान्था (Salary ) दानस'नाय जासिगोन होन्ना गुवाहाटी गोजौ बिजिरसालिया सोगोमथि होदों।
मख'जाथावदि बै गोनांथार बिथोनखौ गुवाहाटी गोजौ बिजिरसालिनि मानाव गेदेर गाहाइ बिजिरगिरि अजय लाम्बा आरो बिजिरगिरि असिन्त मल्ल बुजरबरुवा नि दैदेननायाव दाफुंजानाय सानै बेन्सनि सोद्रोमाया 78/2012 नम्बर गोनां पाब्लिक इन्टिरेष्ट लिटिगेसन (PIL) नि बिथायाव फोसावहरो। बे बिथोनलाइ (Order) खौ आसामनि बङाइगाव, कामरुप मेट्रपलिटान, मरिगाव, सुनितपुर आरो तिनसुकिया जिला। बेनि अनगायैबो बर'लेण्ड हायुंआरि गौथुम सुंद'यै बि टि सि नि सिङाव थानाय गंब्रै जिला कक्राझार , सिरां,बाक्सा आरो उदालगुरि। बेजों लोगोसे गुबुन गुबुन जायगाफोराव जाबसिन्नाय जागोन।
आसाम सोरखारनि रां खाजोना आरो अल'खद सामलाय बिफान (State Revenue & Disaster Management Department) नि जथाय नेहाथारि (Joint Secretary) गितान्जलि भट्टाचार्य बिथांआ एफिडिफिड आर'जलाइ गथायनायनि बिथायाव हा पलिसि बिथांखि (Land Policy ) नि गेजेरजों ट्राइबेल नङै नोगोरारिफोरखौ बोख्लाय हरनायनि गोनांथार राहा लामा आजावनाय जादों। लोगोसे मोनफ्रोमबो जिला बेंगिरिमोना बिजिरसालिया होनाय नन ट्राइबेल हालामफोरखौ बोख्लायहरनाय आयदानि सायाव देडलाइनखौ रोखा खालामथारनांसिगोन। आसाम लेण्ड एण्ड रेभेनिउ रेगुलेसन 1886 नि सेप्तार जि (X) बादिब्ला ट्राइबेल सुबुं माहारि गोगोम हा खोन्दोखौ मोनबो रोखोमनि लेण्ड ट्रेन्सफार खालामनो हानाय नङा होन्ना बिफाननि जोहै गथायनाय एफिडिफिडाव मख'नाय जादों।
हादोरसानि दाब दाब जायगायाव गोबां बोसोरनिफ्राय आयेन बेरेखायै थानाय ट्राइबेल नङै नोगोरारिखौ ट्राइबेल बेल्ट आरो ब्लक हा खोन्दोआव दखल जानायखौ उदां खालामनायनि राहा लानायनि थाखाय गुवाहाटी गोजौ बिजिरसालिया साबायखर बावहरदों। रायखांनो गोनां दि गुवाहाटी गोजौ बिजिरसालिया लाइजामाव मख'लांदों दि गंफ्रोमबो जिला बेंगिरि (Deputy commissioner) आरो साफ्रोमबो गोजौ थाखोनि बिबानगोराखौ आबुङै जाफुंसारनि बिथोन हरनाय जादों। बैफोर ट्राइबेल बेल्ट आरो ब्लक हा खोन्दोआव दासान्दि गोबां बिधा आयेन बेरेखायै हाबसनफैग्रा गुबुनारिया आवग्रिनायनि जाउनाव थागिबि ट्राइबेल सुबुं समाजा अल'खदनि मुगा मुगि हालोदाव भुगिनांनो गोनां जादों।
Also Read :“का” नि हेंथायै आजिरा लानाय कलेजनि बिबुंगोरा समाजा लटासिलाव ओंखारफैबाय
Also Watch: All Assam Lawyers Association staged protest rally against CAA 2019 in Guwahati
