मन्थ्रि फुनि भुसन चौधुरिआ गुवाहाटि सोहोराव सामब्राम गोजानि बेसेनखौ केजि से आव ₹ 66 रां थि खालामदों

मन्थ्रि फुनि भुसन चौधुरिआ गुवाहाटि सोहोराव सामब्राम गोजानि बेसेनखौ केजि से आव ₹ 66 रां थि खालामदों

गुवाहाटिः सोहोरफोराव बायनानै जाग्रा सुबुंफोरा गोसोआव खेब मोनखांदों जायनि थाखाय सामब्राम गोजानि बेसेना हरखाबै बांनायखौ नुनानै, एसेल नंआ गोबां बारायदों आरो गुबुन गुबुन सोहोर जायागानि हाथाय बाजारफोराव फालांगिरिफोरनिआव समान नंङिखौ नुनानै। थांनाय सान्थाम दिनफोराव सामब्राम गोजाखौ सोहोर गुबुन गुबुन जायागानि हाथाय बाजारफोराव केजि ₹-70, ₹-75, आरो ₹-68 गुबुन गुबुन रांफोराव फाननायखौ नुनो मोनदों एबा बायनांगौ जादों।

बे थासारिनि जाथायखौ लाना आसाम हादोरसानि फुद एन चिभिल साप्लाइस बिफाननि मन्थ्रि फानि भुसन चौधुरि बिथांआ थांनाय बुधबार खालाराव दिसपुराव सामब्राम गोजा आरो आलु फालांगि गौथुमनि गोजौ थाखोनि मावखुलि सोद्रोमामोनजों मोनसे सावरायमेल लादों।

मन्त्रि बिथांआ बेखौनो नोजोर लाना सावरायो दि गुबुन गुबुन सोहोर जायागानि हाथाय बाजारफोराव सामब्राम गोजाफोरनि बेसेना समन नंङिखौ सावरायनायाव बेखौ सोहोरफोरा गनायना लानाय नंआ होनना। बे नि उनाव सामब्राम गोजानि बेसेनखौ गोथौयै सानखांनायनि गेजेरजों बेखौनो थि खालामनो सानो जायनि थाखाय गुवाहाटिआव जेसेबां हल सेल गलाफोर दं एबा हाथाय बाजारफोराव मोनसे थि बेसेन ₹-66 रांआव रिटेलार्स आव खालामना होनो थाखाय गोजौ थाखोनि फालांगिमोनखौ खावलायो। आलु आरो फान्थाव मैखि फालांगि गौथुमा फुद एन चिभिल साप्लाइस बिफाननि मन्थ्रि नि मोनसे थि बेसेन हमना लानो खावलायनायखौ गनायना लादों। बे बाहागोआवनो फालांगि गौथुमनि सोद्रोमाफोरा थांनाय सान्थामसो सिगांनि दिनफोरा गोबारै अखा हानायनि जाहोनाव नासिख खौ लोमसावदोंमोन, जायनि थाखाय बेसेन बांनाया बेखायनो गाव गावनि सायाव सोनारदोंमोन। नासिक आ जाबाय सामब्राम गोजानि गाहाय थावनि जायखौ मिरु एबा फुंखा बुंनो हायो आरो बेनिफ्रायनो आसामाव सामब्राम गोजाफोरखौ लाबोनाय जायो। बिसोरनि सावराज्यायनायनि उनाव फुद एन चिभिल साप्लाइस बिफाननि मन्थ्रि, आलु आरो फान्थाव मैखि फालांगि गौथुमनि सोद्रोमामोना बायजोआव सुबुं बिजोंनिसिम बेखौनो बुङो दि नासिकआव सामब्राम गोजाऔ दोन्थुमनाया एसे सम लागोन जायनि थाखाय बे थासारिखौ समानाव लाबोनायनि बेलायाव होनना।

जायनि थाखाय फुद एन चिभिल साप्लाइस बिफानखौ माखासे फिसा खोलोबनि मावखगिरिफोरा हादोरसायाव सामब्राम गोजा रां बारायनाय एब बेसेना हरखाब बांनायखौ लाना, गुबुन गुबुन हाथाय बाजारफोराव मुव बेसादफोरनि बेसेन समान नङैखौ बिथा खालामना बिफाना जेबो समान खालामनायनि खामानि मावाखै होनना फोरमान गैया हसिया दाय होदोंमोन। सिगंनिफ्रायनो सामब्राम गोजाया मोनसे गोनांथार बेसाद, सोरबाया जिल्ला बेंगिरिखौबो मुवा बेसादनि बेसेनफोरनि सायाव सामलायनांगौखौ खालामाखै होनना थांखिना बुङो।

Related Stories

No stories found.
logo
Sentinal Assam
bodo.sentinelassam.com