गुवाहाटिः जिउ बिमानि मालटि कड़ड़ फैसा सोबखनायनि सायाव संगालि संनांगौआ मोनसे नोजोराव फैदों। गुवाहाटि गोजौ बिजिरसालिआ बेखायनो बे खामनिखौ जाफुंहोनो थाखाय हादोरसा डि.जि.पि (DGP ) निसिम बे साननैसो दिनफोरनि गेजेरावनो ए.डि.जि.पि (ADGP) अफिसार थाखोनि मोनसे गोनां संगालि संग्राखौ दानो खावलायदों। गोजौ बिजिरसालिनि बेन्सनि गाहाय बिजिरगिरि अजय लाम्बा आरो बिजिरगिरि आचिनत्य माला बुजर बारुआ बिथांमोनाबो बुङो दि जायनि थाखाय जिउ बिमा(Life insurance) सोबखनाय खामानिआव लोगो लानाय दायफोरखौ बिजिर बिलाइआव दैखांनाय जाखाबाय होनना, बेफोरनि फोरमायथिखौ ए.डि.जि.पि (ADGP) अफिसार संगालिफोरनो बेफोरखौ मोन्थिहोनाय जागोन आरो गोनांथिबादियै दायनिगिरि महरै थिसनजागोन होनना फोरमायदों।
बे बादि सोबखनाय खामानिया थांनाय बोसोरनिफ्राय बरबेटा हालामाव जाजेननायखौ नुनो मोन्दों। असमिया युभा मान्चा(Asomiya Yuba Mancha) या गोजौ बिजिर सालिआव 'पाब्लिक इन्टारेस्त लिटिगेस्यन' (PIL) नि गांसे गथायो। गोजौ बिजिरसालिआ पुलिस बिफानखौ गोख्रोंयै आरो थाबैनो संगालि संनो थाखाय थोनदों। जायनि थाखाय संगालि संनायनि खामानिया गोख्रों जायिखाय थोंजोंयै गोजौ बिजिरसालिआ पुलिस बिफाननो संगालि संनायनि थाखाय मोनसे गोनां सुलु लाग्रा संगालि गांखं दानो थाखाय खावलायदों।
'पाब्लिक इन्टारेस्त लिटिगेस्यन' (PIL) नि बादियैब्ला हादोरसायाव बेखौ नुनो मोन्दोंदि हान्जायारि खामानिजों लोबबा थानाय लोगोआरि खारिथि बुथुमनाय जेरैबादि दानसे एबा दननैनि उफोरावसो सुबुंआ थैनायनि खारिथि बादि। बिसोर नखरफोरखौ सोरखारनिफ्राय एब सोरखारनि गेजेरजों थैनाय सुबुंफोरनि थाखाय रांखान्थि बिथिंआव मदद मोनगोन बादि बाथ्राफोरखौ लानानै थैनायफोरनि थाखाय माबा मोनसे मुलामफा मोनगोनि आसा होनायजों फोथाय होयो।
थैनाय सुबुंफोरनि मुंआव रां मोनगोननि फोथायथि होनानै थैनाय सुबुंनि पान कारड, भतार आइडिफोर बुथुमनानै रां सोनो बेंक एकावन्ट बानाययो । बे बादिनो माखासे हान्जा लोगो नांनै थैनाय सुबुंनि मुंयै बिमा जिउ सक्ति गुबुन गुबुन हानजायै फसंगासिनो दं। बेखौबो मोन्थिनो मोननाय जादोंदि लाइजाम ख' मास्टारफोराबो जिउ बिमा सक्ति नि रां बुथुमनाय आरो चेक बुथुमानाय खामनिआव लोबबा दं होनना ।
दायनिगिरिनि नोजोराव, नंखाय हान्जाफोरा जिउ बिमा नि सायाव सोनारनानै दाननै दान्थामसोनि उनाव दक्टरफोरनि 'दिहुन्थायारिनि फोरामन बिलाइ' लानानै फोथायहोनायजों सोलिनायखौ नुनो मोन्दों।
जिउ बिमा गुथुम, देहा फाहामसालि मावगिरि आरो पुलिस लोगो नांनानै बरबेटा जिल्लायाव जायफोरा नंखायै सोलिना रां जबद' खालामदों बिसोरखौ हमो। बरबेटा जों नांजाबफानाय नगाव, गवालपारा, बङायगाव, नलबारि आरो कामरुपफोराव नंखायफोरा हमजाना बेफोरनि खोथाया गोसारहैयो।
बिजिरसालिनि बेन्सआ बेखौनो बिथोन होदों दि 1.बेफोरबादि खामानिआव लोबबा थानाय हान्जा एबा जायखि जाया सुबुंखौनो 7 साननि थाखाय संनो थाखाय एस.पि फोरखौ थोन्दों।
2. एस.पिआ नंखाय मावनायानि माबाफोर फोरमार मोनोब्ला बेखौ खोलोब 154 नि सिंआव दायनि गिरि महरै थिसननाय जागोन आरो आयदा XII नि गेजेरजों संगालिनि सुलु लानाय जागोन होनना गोजौ बिजिरसालिआ फोरमायदों।
Also Read : लेङाइ हादोरगिरि एम भेंकाया नाइडुआ मावख’वाव बिमा राव बाहायनायनि बोसोन होबाय
Also Watch: Midday meal workers stage protest in Lakhimpur