लेङाइ हादोरगिरि एम भेंकाया नाइडुआ मावख'वाव बिमा राव बाहायनायनि बोसोन होबाय

Guwahati : बोसोरफ्रोमावबो खुंबोनाय बादि देग्लायबो गुवाहाटी नोगोरमानि सान्दमारियाव थानाय इन्जिनियारिं गेलेग्रा फोथाराव आसाम बिजाब फोसावग्रा गौथुमनि बान्जायनायाव खुंगा 21 थि बिजाब मेला खुंफुंनाय जादों। हादोरनि लेङाइ हादोरगिरि (Vice President) एम भेंकेया नाइडु बिथाङा सुक्रबार खालि बिजाब मेलाखौ आबुङै बेखेवना होयो। जेराव बिथाङा बिमा राव बासायनो थाखाय रैखाथि, जौगाखांनाय, दावखोलांनायनि नोजोर नानै गावनि बिमा रावनि बिजों फरायनानै सोलोंथाइ बोजबना लानांगौ। गावनि बिबुंथियाव नाइडु बिथाङा बुङो दि नख'राव खोथा रायज्लायोब्ला आरो साखाथि फाखाथिनि गामियारि सुबुंजों गावनि बिमा रावावनो खोथा रायलायनायनि सुबुरुन होयो। आं बिमा रावनि बेरखा नङा नाथाय बयबो बिमा रावखौ अन्नाया गाहाम होनना बुंहरो। थिग बिदिनो हादोरसा सोरखाराबो खुंथायारि थाखोआव बिमा राव (Mother Tongue) बाहायनो नांगौ। हिन्दी इंराजि राव थायोब्लाबो गावनि बिमा रावासो गुदि राव।

बिथांनि असमिया रावजों जागायजेन्नाय बिबुंथियाव बुंथियो दि मोनफ्रोमबो गामियाव गंफा गंफा दोहोरोमारि सानथौ आरो गियान आर्जिनायनि थाखाय गंफा गंफायै बिजाब बाख्रि फसंनायनि बोसोन होयो। मानोना बिजाब बाख्रि नि जोहै गंसे ओनसोलाव फरायनायनि आबहावा गायसं लांनो हायो। जेखि जादोला मानो आथिखालाव डिजिटेल जुगनि गोगोम आबहावाया जोंनि सान्नाय हनाय गोहोखौ गोख्रों खालामदों। मख'जाथावदि बिजाबा खारिथि बुथुमनायल' नङा, गियान आर्जिनाय आरो सिगांथिं आवगायलांनायावबो अराय सम मददनि लामा दिन्थियो।

लोगोसे बिथाङा दाजाबनानै बुंबावो दि सोलोंथाइ गोसारहोनाया हादोरनि सुबुंदारारि खुंथाइ खान्थि रैखाथि आरो सुबुंनि गेजेराव गोजोन, हारिमु आरो बिदा फंबायनि आंगो सोमोन्दो थाजिम लाखियो। लोगोसे बिथाङा गेदेमा असमीया सुबुं स्रि मन्त शंकरदेब , लक्ष्मी नाथ बेजबरुवा , ज्योति प्रसाद आगरवाला ड° भुपेन हाजरिका मोना राज्यो-राजानो स्वार्थ सानालासे होलांनाय बिहोमा नि सायाव बाख्नायथारो।

मख'जाथावदि आसामनि हादोरसा बेंगिरि प्रफेसार जगदीश मुखि बिथाङा आसाम पाब्लिकेशन बर्ड आरो बिजाब फानग्रा जथाइ गौथुमा 1998 माइथायनि फ्राय बिजाब मेला खुंबोदों। हादोरसानि गेजेरावनो सा सान्जा बिजाब मेला या मोनसे मान सनमान नि जायगा आवग्रिनो हाबावदों। बिथांआ बे बिजाब मेलायाव गासैबो थाखोनि बिजाब बायगिरि राज्यो-राजानि अन्नाय, मददनि थाखाय राज्यो-राजानि बिजाब मेला महरै गायसंलांनो खावलायो।

रायखांनो गोनां दि जायगानि बिजाब साफायग्रा दारिमिननि नाजानायाव गायसन जानायनि गेजेरजों गोरों-गोरा लाइमोन सुबुंआबो खामानियाव गावखौ गायसंनो हादों। जायनि गेजेरजों गोब्राब महर लानाय बेखार जेंनाया एसेबाबो रैखाथि मोननायाव मदद जागोन।

गिबि मन्थ्रि सर्बानन्द सन'वाल बिथांआ माननि आलासि महरै बाहागो लानानै बुंथियो दि बे बिजाब मेलाया लाइमोन गोसो गुदुं फरायगिरि नि थाखाय जोबोद गोनांथार। मानोना बिजाबनि गोहोआ सिगांथिं दावगालांनायाव गियाननि सोरां सारफैयो। बे बिजाब मेलाया सा-सानजा राव हारिमु थुनलाइ जौगाखांहोनायाव जर'खा बिफाव लायो।

बिजाब मेला बान्जाय आफादनि बिबान गिरि मोना थांनाय बोसोरफ्रोमनि बादि बिजाब फरायगिरि राज्यो-राजाखौ फरायना बिदै गोनां बिजाब बायगोन होन्ना बुंहरो। हादोरजों लोगोसे गुबुन हादोरनि बिजाब फोसावग्रा आरो दिहुनग्रा गौथुमखौ बाहागो लाहैनो थाखाय हांख्रायहरनाय जागोन। थांनाय बोसोराव हादरनि नसुङारि बांलादेश निफ्राय गोबां बिजाब फोसावग्रा गौथुमआ बाहागो लादोंमोन। जाय नायथावथाव बिपनि लुफुंनानै बिजाब बायगिरिनि नोजोर बोग्थाबनो हादोंमोन।

Also Read : कक्राझार आरो सिरां जिला खुंथायनि बान्जायनायाव खौसेथि सान फालिदों

Also Watch: Two days State level Kabaddi Tournament kicks off in Tinsukia