हाफ्लंआव साहा कासार गावखुंथाइ गौथुमनि ब्रैथि जथुम्माया खुफुंजाबाय

Haflong : साहा कासार हाजोआरि गावखुंथाइ गौथुम (North Cachar Hills Autonomous Council) नि ब्रैथि जथुम्माया बृहस्पतिबाराव गौथुमनि आयेनसालि लांगोनायाव खुफुंनाय जाबाय। जेराव गावखुंथाइ गौथुमनि गासै मावफुं सोद्रोमामोनजों लोगोसे बुंथिगिरि रानु लांथासा नि नुजाथिफैनायाव बायदिसिना सोंथि फिन्नाय दिखांनाय जायो।

2012 नि संबिजिदारि सोदांफिन्नाय बिल बोखांनो थाखाय बयबो राजि जानायखौ फोरमायबावो आरो लोगोसे सिगां बिसायख'थि कमिसननि थिरांथा बादियै डिमा हासाव गावखुंथाइ गौथुमनि सिङाव गामि सोफादेरनाय एबा बारायनाय आयदानि सायाव आरो गनायथि थांखिखौ हादोरसा बेंगिरि (Governor) निसिम गथायनाय जागोन।

मख'जाथावदि बे गोनांथार थांखिखौ गाहाइ मावफुं सोद्रोमा नि मावख'वारि सावराय जथुमाव जानाय मावफुं आफादनि जथुम्मायावनो लानाय जादोंमोन। बे संबिजिदारि सोदांफिन्नाय बिलआ जिलायाव गावखुंथाइ गौथुमनि बेरेखा थांखि आरो डिमा हासाव जिलायाव पनसायत राज गायसंलांगोन।

रायखांनो गोनां दि गावखुंथाइ गौथुमनि गासै मावफारियानि नुजाथिफैनायाव मोनसे थांखि (Resolution) खुंथायारि सामलायनि थाखाय आजावनाय जायो, जेराव 4 नबेम्बर नि उनाव मोनफ्रोम समबार निफ्राय गावनि गोसो बादियै खामानि मावलांनाय मावथिफारिया फोरनि दान मोनसे दानबान्था दान जानो हागौ।

बेरा फारसेथिं जाय हाफ्लं बियाबनि सोद्रोमा (Members of Autonomous Council) या गामियारि पनसायत जौगाखां बिथांखि, एन आर सि आव मुं सोदेरजायि नोगोरारिफोरनि थाखाय रैखाथि बादा लुफुंनानै होनाय, गोरों गोरा बिजाथिफोरखौ गुबुन गुबुन बिफानाव ग्रेड थाम आरो ब्रै थाखोनि मासियाव थिसन्नाय, गामियारि गौथुमनि थाखाय इलेकटरेल फारिलाइ, नोगोरारि सोदांनाय बिल थांखि आजावोब्ला सिख्ला गोजौसिन गेजेरारि फरायसालि लांहरनाय जागोन।

साहा कासार हाजोआरि गावखुंथाइ गौथुम नि गाहाइ मावफुं सोद्रोमा (Chief Executive Member) देबलाल गार्लसा बिथाङा बुङो दि जिलानि सिङाव थानाय गोजोन आरो थाजिम थासारिखौ लुबैग्रा राज्यो राजानि गाहाम हास्थायनायाव जों माब्लाबो सुबुं बेरेखा थिरांथा लाया। जुदि रैखाथि बादा लुफुंनानै होयो अब्ला जिलानि गोजोन थासारिया जोबोद दुंहाव आबहावा सोमजिगोन होन्ना बुंथियो। जों बेबादि थांखिखौ बोजबनो होआ होन्ना हुमखि होयो। दासिम हालागै मिरु आरो हादोरसा सोरखारनिफ्राय मोनबो रोखोमनि फोसावलाइ एबा थिनलाइ फैयाखै।

Also Read :बाक्सा जिल्लायाव मैदेरनि गाग्लोबनायाव सानै सुबुंनि जिउ खहा

Also Watch: Two extremists gunned down by security forces under Soraibil BOP in Gossaigaon