बोसोरफ्रोमावबो खुंबोनाय बादि देग्लायबो गुवाहाटीनि सान्दमारियाव थानाय इन्जिनियारिं गेलेग्रा फोथाराव आसाम बिजाब फोसावग्रा गौथुमनि बान्जायनायाव खुंगा 33 थि बिजाब मेला फैगो 28 दिसेम्बर निफ्राय 8 जानुवारी सिम खुंफुंनाय जागोन।
आसाम पाब्लिकेशन बर्डनि नेहाथारि प्रमद कलिता बिथाङा थांनाय बोसोरफ्रोमनि बादि बिजाब फरायगिरि राज्यो-राजाखौ फरायना बिदै गोनां बिजाब लाबोगोन होन्ना बुंहरो। गुवाहाटीनि दासिमाव हादोरजों लोगोसे गुबुन हादोरनि बिजाब फोसावग्रा आरो दिहुनग्रा गौथुमखौ बाहागो लाहैनो थाखाय हांख्रायहरनाय जागोन। बिसोरनि गौथुमनि मदद होनाया जोबोर बाख्नायथावमोन।
थांनाय बोसोराव हादरनि नसुङारि बांलादेश निफ्राय गं 11 बिजाब फोसावग्रा गौथुमआ बाहागो लादोंमोन। जाय नायथावथाव बिपनि लुफुंनानै बिजाब बायगिरिनि नोजोर बोग्थाबनो हादोंमोन। आसाम पाब्लिकेसन बर्डनि नेहाथारि कलिता बिथाङा दाजाबदेरना बुंथियो दि बिजाब मेलायाव बाहागो लाग्रोनो गोसो गुदुं बिजाब फोसावग्रा गौथुमनि थाखाय फैगो 10 अक्ट'बर निफ्राय 30 नबेम्बरसिम फर्म सुफुंसारनो खावलायदों।
