टेक्स सेमलांनायाव खोला सान्जानि हादोरा बेफार- फालांगि बिथिङाव जौगाखांगोन : सर्बानन्द सन'वाल

गुवाहाटी : आसामनि गिबि मन्थ्रि सर्बानन्द सन'वाला दिसपुरनि जनता भवनाव खुंफुंनाय खौरां मेलनि गेजेरजों मिरु सोरखारा टेक्स नि दानखानाय नि (Tax Cut) बेलायाव लानाय थिरांथाया दुलाराय सा-सानजा राज्योनि थाखाय मोनसे जारिमिनारि आगान। जेराव सा-सानजा नि आसामजों गुबुन गुबुन राज्योआ रांखान्थियारि जौगानायनि गोख्रैथियै खारगोन । बेनि जोहै गुबुन गुबुन हादोरनि फालांगिरि जों लोगोसे भारतनि फालांगिरिआबो मुलाम्फा जागोन आरो थुलुंगाखांनानै बेफार फालांगिया गोसारहोनो हागोन। बेनि गेजेरजों सा-सानजा एसियान हादोर गेजेरारि गौथुम (ASEAN) जों फ्रेन्दलि जन महरै गायसननो हागोन होन्ना गिबि मन्थ्रि सर्बानन्द सन'वाला मिजिं थिदों।

आरोबाव खौरां मेलनि गेजेरजों सन'वाल बिथाङा हादरनि गाहाइ मन्थ्रि नरेन्द्र मडि, मिरु राङारि बिफाननि मन्थ्रि निर्मला सिटारमनखौ टेक्स दानखानायनि थाखाय साबायखर बावहरो। बिथांआ मख'लांङो दि थांनाय बोसोरफ्रोमाव सा-सानजा नि आसाम आरो गुबुन गुबुन राज्योफोरा जौगाखांनायनि लामायाव सिगां लादों। नाथाय कंग्रेसनि आमोलाव जोंनि हालामा उन फावसायना दंमोन, जौगाखां खामानिफोरा नेवसिजादोंमोन। सा-सानजा राज्योनि गोनांथार जेंना जेंगोना फोरखौ हेव खालामदोंमोन होन्ना अ'जद दिखांङो।

मख'जाथावदि थांनाय 2018 माइथायाव गुवाहाटी नोगोरमायाव खुंफुं जालांनाय एडभानटेज आसाम (Advantage Assam investors summit) फालांगिरियारि जथुम्मायाव गं 240 बुजिलायनाय गोरोबथाया (Memorandum of understanding) 80,000 कौटि रांनि मुंसाइ जादोंमोन। बेनिनो 52 कौटि रां खरसा खालामनाय जादों। बेनिनो थाव खोन्दोयाव 42 कौटि रां आरो गावारि खोन्दोआव 10 कौटि रां दासिमाव खर्सा जासिनदों। जोंङो मिजिं थिदों टेक्स दानखानाया आसामनि बेफार फालांगियारि हालोदखौ फोजौखांहोगोन। जोंनि सोरखारा थोंजोङै थाइलेण्ड आरो नसुङारि हादोर बांलादेश जों अख्रां सिबिथाय जागायजेन्नायनि उनाव सा-सानजा एसियाननि गुबुन गुबुन हादोरजों अख्रां लामाजों फोनांजाबनायनि खामानि मावगासिनो दं होन्ना बुंथियो।

Also Read: आसाम प्रदेश बि जे पि आ गंथाम बिधान सभा बियाबनि जाथावथार बिजाथिनि मुं फोसावबाय

Also Watch: Tinsukia Sports Club wins Bhabani Baruah Memorial Inter Club Invitation Badminton league 2019