गुवाहाटिः सोलिबाय थानाय बोसोराव मिरुआरि सांग्रांथि बेंथिआ 2019 नि 28 अक्टबरनिफ्राय 2 नबेम्बर दानसिम " खौसेथि- मोनसे जिउनि लामा" ('Integrity- A way of life') गाय आयदा लानानै आयेन आब्रुथि रैखा खालामनायनि सायाव सांग्रांथि फोसावनाय सपतानि हाबाफारिआ मिरुआरि आयेन आब्रुथि रैखा खालाम नि बानजायनायव खुंजादों। आयेन आब्रुथि रैखा खालाम आरो सोबखनाय बेरेखानि सामलायगिरिनि बादियैब्ला आसाम हादोरनि मन्त्रि बिथांमोना गोनांसिनै बे हाबाफारिआव मैखोमै हेफाजाबनि दारै आसामाव दानाय जिल्ला आरो मावखुलि सामलायरि गासैबो आयेन आब्रुथि रैखा खालामनायनि सायाव सांग्रांथि फोसावनाय, 2019 नि हाबाफारिआव बाहागो लानांगौ। बेयो मोनसे लोगो होज्लायनाय मोनसे गोनां सांग्राथि फोरसावनाय हाबाफारि होनना फोरमायदों।
हाबाफारिया सामलायरि (Director) जों बेखेवजायो, लोगोसे आसाम हादोरनि गुबै बिजिरगिरि गौतम बरुवा, आइ.जि.पि सामलायगिरि ( IGP, Director) आनुराग थांखा, आरो गुवाहाटि गोजौ बिजिरसालिनि पि.पि बरुवा आरो हान्थिग्रा हान्जाफोरा थार थांखि दैथायनायनि थाखाय आरो आब्रुथि गैयैफोरखौ सोलाहोनायनि बिथिंजों सम्बार सानाव सोमावसार हान्थिदों।
2019 , अक्टबरनि 30 आव सोबखग्राफोरनि हेंथायै 'सुबुं खौसे' आ फरायसाफोरनि जथायाव गुवाहाटि नोगोरफोराव सोमावसार हान्थिनो थामथिम खालामदों, बे फोरसाव हान्थिनायाव फरायसाफोरा प्लेकार्ड आरो फोरसाव बिलायफोर, सावगारि लानानै खौसे गारांनि हज्रिनायजों आयदाखौ लाना आरो आयेन आब्रुथिखौ लानानै सोमावसार हान्थिनाय हाबाफारि लानाय जागोन होनना फोरमायदों।
सामलायरि (Director) आ " इन्टारग्रिति, ए उयिपन तु कार्ब दा त्यारनि अफ करपस्यन" ( Integrity- A weapon to curb the tyranny of corruption) एबा " दा मनस्तार अफ करपस्यन इस इतिं इन्टु दा ससिअ इक'नमिक ग्रौध अफ दा नेस्यन"( the monster of corruption is eating into the Socio- Economic Growth of the Nation) आयदा लानानै गुबुन गुबुन फरायसालिनि फरायसाफोरनि गेजेराव थाखो गुनिफ्राय थाखो जिनैसिम ( रां बान्थानि ) फेहेरलु लिरनाय बादायज्लायनायबो खालामनायनि हाबाफारि लादों। मोनफ्रोम जिल्लानि जिल्ला बेंगिरिफोरा जिल्लानि फरायसालिफोराव बे बादायज्लायनायखौ फाथिनो होदों, बेयाव जाया मोजांयै देरहागोन हादोरसासिम फारिथि खालामना दैथायहरगोन होनना मोनन्थिहोदों।
हादोरसानि खोलोबाव बादायज्लायनायाव देरहायोब्ला रु 10,000 रां, रु 7,500 रां आरो रु 5000 रां आरो सानै गोजोन होनो हानायफोरनो रु 1,000 रां बान्था होनाय जागोनखौ मोन्थिहोदों।
सामलायरि (Director) आ बे सोबखग्राफोरनि हेंथायै सुबुं हान्थि सोमावसारानखौ रोखायै मोन्थिहोनो थाखाय सांग्रांथि फोरसावनाय बादियै साफ्रोम जिल्ला बेंगिरि (DC) आरो एस.पि ( SP) फोरनि आखायव हाबाफारिजों लोबबा थानाय फोरसाव बिलाइफोरखौ रानना होदों, लोगोसे जानबुंफोरनि गेजेरजोंबो सोमावसारनायनि थांखिफोरखौ खालामदों।
"सोबखग्राफोरनि हेंथानि संगालि संनाय जुजिथि" नि सायाव हाबाफारि लानाय जायो, गाहायै बे हाबाफारिआ आसाम पुलिस फोथार थाखोनि सामलायरिफोर (Director) नि बान्जायनायाव जादोंमोन।
Also Read : दैबानानि सांग्रांथि : धनसिरि दैमानि दैबानायाव गं 22 गामिया लोमसावजादों
Also Watch: Durga Puja 2019: Vijaya Dashami celebrations at Belsiri River in Dhekiajuli, Sonitpur