Guwahati: असिलायै खामानिफोरा सोलिबाय थानायाव हाग्रामा बिफाना साननो गोनां जादों। आयेननि बेरेखायै बाला अन्थाइनि बायनाय फाननाया दासिमबो हादोरसायाव सोलिगासिनो दं। गोजौनि बे बाथ्राया रावजोंबो नंआ नाथाय हादोरसा हाग्रामा आरो आबहावारि बिफाननि मन्त्रि बिथां परिमल चुक्लबाध्य आ बुंफोरो।
बिथां चुक्लबाध्य आ मंगलबार खालाराव सेन्टिनेल नि सिगांआव जायनि थाखाय बाला आरो अन्थायफोरखौ आयेननि बेरेखायै रोगानाय दैथायनायखौ दबथायगोन आरो मोनसे गेदेर नायबिजिरनाय खामानिखौ आखायाव लानाय जागोन, खौरां मोननाय बादिब्ला बे बादि खामानि मावनाया सानफ्रोमबो सोलिगासिनो दं। बिथांआ बुंबावो बायदि लुथाय खामानिफोरनि थाखाय सिगां समफोरनिफ्रायनो बाला आरो अन्थाइफोर मोननैबो जोबोद बेसेन गोसा आयजें बादि जोबोद गोनां जाबाय।
"जोबोद गोनांथि जानायनि थाखायनो बेफोर बादि आयेन बेरेखायै बाला अन्थायनि बायानाय फाननाया जानो हमदों। नाथाय जों अन्थायफोरनि बेफोर बादि बायनाय फानायफोरखौ नायफिना लासै थाया। जायफोर ट्राक गारिफोराव आयेन बेरेखायै बाला आरो अन्थायफोरखौ सानफ्रोमबो रोगानाया जोंनाव गोहोम गोग्लैनायखौ रोखा रोखा दिन्थिदों। आं गावनो बेखौ फोरमायदों गोबां जायगायावनो बेफोर बादि खामानिजों लोब्बा थान रोगानाय ट्राक गारिफोरखौ हमना लाखिनांगौ। होनना बिथां चुक्लाबाध्या आ बुङो।
बेफोर बादि आयेन बेरेखायै बाला अन्थायनि बायनाय फाननाया सोलिबाय थानो हानाय नंआ, बेफोरखौ गैया खालामनो थाखाय हाग्रामा बिफानफोरनि मावखगिरिफोरा लोगोआव थाफागोन, राइजो राइजा गौथुमफोरनि गेजेरजों बेफोर बादि बायनाय फाननायफोरखौ बोखारनो हागोन। बिथांआ बुंबावो बेफोर बादि आयेननि बेरेखायै बाला अन्थाय रोगानाय गासैबो ट्राक गारिफोरखौ जबद' खालामनाया हाग्रामा बिफान आरो पुलिसफोरनि थाखाय जाथाव नंआ। "बेखायनो मानसिफोरा बेफोर बादि थासारिनि खामानि मावनायखौ नुयोब्ला गोख्रैनो हांग्रामा बिफान आरो पुलिसनो खौरां हरगोन" जायनि थाखाय राइजोफोरनि गसर गाबनायखौ एबा फोरामथि हैनायखौ हाग्रामा बिफान आरो पुलिसआ गनायनानै बेनि हेंथायै खामानि मावाब्ला, आं बिसोरजों रालज्लायगोन" होनना बिथां चुक्लाबाध्या आ फोरमादों।
हादोरसायाव मानसि आरो मैदेरनि जेंना बांलांनायखौ लाफानानै, चुक्लाबाध्य बिथांआ बे जेंनाखौ समान खालामनाय खामानिखौ हरखाबै खालामनो हानाय गोरलै नंआ। जेराव मैदेरफोरा आदार जाना थांना थायोमोन बेफोर जायगायाव सुबुंफोरा नफोर लुनानै थादों, होनना बुङो। " बेखायनो मैदेरफोरा बेफोर जायगायावहाय उदैनि उखैनायखौ सुफुंनो बेफोर जायगायाव आदार नायगिरबोयो, जेब्ला जुनारा आदार नागिरना मोना बिसोर सुबुंफोरनि सायाव खहा खालामो आरो सुबुंखौ गाग्लोबो। बियो हाग्रामा बिफाननि मोनसे गेदेर जुजिनो गोनां जायनि थाखाय मेघालय आरो अरनाचल प्रदेस हादोरसाफोरनिफ्राय मैदेरफोरा फैनानै सुबुफोरनि गोबां खहा खालामनायखौ रैखाथि होनो" होनना बिथां चुक्लाबाध्यआ बुङो।
परिमल चुक्लाबाध्या बिथांआ बेखौनो फोरमायबावदों जायनि थाखाय मोनसे नङा मोननै नङा मैदेरनि बेफोर बादि मानसिनि गेजेराव जेंना सोमजिबाय थानायखौ आरो गोहोम खोख्लैबाय थानाय जाथायखौ दबथायनो आरो बेफोरनि राहाफोरखौ नागिरनाय जागोन होनना फोरमायदों।
